Lukas 6:6 - Dakota Wowapi Wakan Kin

⁶ Unkan anpetu wakan tokeca wan omniciye tipi kin en tin iyaye, c̣a waonspekiya: unkan wicaśta wan nape etapa kin śnija e en yanka.

Lukas 6:6 Iomraidhean Croise

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Lukas 13:10

Unkan anpetu wakan icunhan omniciye tipi wan ohna waonspewicakiya yanka:

Lukas 14:3

Hehan Jesus waayupte c̣a, wicoope aiapi kin, qa Pharisee kin hena hewicakiya; Anpetu wakan icunhan waasniyanpi kte cin iyowinwicakiyapi he.

Lukas 4:16

Unkan Nazareth en icaḣyapi qon he ekta hdi; qa econ ece kin he iyecen, anpetu wakan icunhan, omniciye tipi kin en tin iyaye c̣a, wowapi yawa kta inajin.

Lukas 4:31

Qa Galile en Kapernaum otonwe kin he ekta hi, qa anpetu wakan eca waonspewicakiya ece.

Lukas 6:1

Unkan anpetu wakan inonpa tokaheya, hehan wojupi kin ehna iyaya; unkan waonspewicakiye cin iś wahuwapa yuksapi, napopabagapi, qa yutapi.

Lukas 6:5

Unkan hewicakiya; Wicaśta Cinhintku kin iś nakun anpetu wakan kin Itancan ce.

Johannes 5:3

Hena ohna wicaśta wayazanka ota, huśte, iśta gonga, ṭaṭaka ko ota en raakan hiyeya, mini śkanśkan ape hiyeya.

Johannes 9:16

Unkan Pharisee kin wanjikji; Wicaśta kin he anpetu wakan awacin śni, heon etanhan Wakantanka hetanhan śni, eyapi. Unkan apa, Wicaśta wan waḣtani sa hecinhan, wowapetokeca dececa token econ okihi kta he, eyapi. Hecen on akipam wacinhnakapi.