Lukas 6:47 - Dakota Wowapi Wakan Kin

⁴⁷ Tuwe ekta mahi, qa mioie naḣon, qa ecen econ kin he tuwe kicica hecinhan he ito ociciyakapi kta.

Lukas 6:47 Iomraidhean Croise

Mattheos 12:50

Tuwe kaśta Ate maḣpiya ekta un tawacin kin ecen econ kinhan he mihunkawanji qa mitawinoḣtin qa mihun ee.

Mattheos 17:5

Iahan icunhan iho, iyoyanpa maḣpiya wan aowicahanzi, qa iho, maḣpiya kin eciyatanhan wicaho wan heya; Micinkśi waśtewakidake c̣a on iyomakipi ḣince cin he dee ce; anagoptan po

Lukas 11:28

Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.

Lukas 14:26

Tuwe ekta mahi, qa atkuku, hunku, tawicu, cinca, sunkaku, tawinoḣtin kin, hena, qa iye ni kin heeś koya śicekida śni ehantanhan, waonspewicawakiye cin wanji ee kta okitpani ce.

Lukas 6:48

Wicaśta wan tipi kaga; unkan temahentu maka qe, c̣a oahehde kin imnija wan akan ehde: unkan minitan aye c̣ehan, wakpa kin tipi kin he en nina kaduza, tuka kahuhuze kta okitpani, imnija akan ehdepi nakaeś, he iyececa.

Lukas 8:13

Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Lukas 8:8

Unkan apa is maka waśte ahinḣpaya; unkan uye, c̣a opawingege suton, eya. Unkan hena hecekcen eye c̣ehan, heya niyan; Tuwe noge winaḣon yukan hecinhan, ito naḣon kta ce, eya.

Johannes 10:27

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Johannes 13:17

Taku kin dena sdonyayapi hecinhan, ecen ecanonpi kinhan waśteya yaunpi kta.

Johannes 14:15

Waśte mayadapika hecinhan, mitawoahope kin tanyan yuha po.

Johannes 5:40

Tuka owihanke wanin wiconi duhapi kta e on miye en mayaupi yacinpi śni.

Johannes 6:35

Tuka Jesus hewicakiya; Aguyapi wiconi kin he miye ce. Tuwe en mau kinhan wotektehda śni un kta; qa tuwe wicamada kinhan ipuza śni un kta.

Johannes 6:37

Ate tona maqu kin owasin miye en mau kta; qa tuwe en mau kinhan tankan iyewaye kte śni.

Johannes 8:52

Hehan Juda oyate kin heciyapi; Wakanśica niyuhnaśkinyan e dehan iyotan sdonunyanpi. Abraham hee kaeś ṭa, qa wokcanpi kin hena nakun ṭapi; tuka niye, Tuwe mioie yuhe cinhan tohinni wiconṭe ute kte śni ce, eha ce.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

Jakob 4:17

Heon etanhan, tuwe taku waśte econ kta sdonkiya tuka econ śni eca, he woaḣtani ic̣icaga ece.

I. Inyan 2:4

He en yahipi, inyan wan ni un kin iyececa, wicaśta akantu eḣpeyapi, tuka Wakantanka e kaḣnige c̣a teḣike daka;

II. Inyan 1:10

Heon etanhan, mihunkawanji, nicopi qa nicaḣnigapi kin aic̣iciya hdusuta po; hena hecen ecanonpi kinhan icimana nihinḣpayapi kte śni.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 3:7

Hokśiyopa cikcistinpidan, ihnuhan tuwe nihnayanpi kinhan; tuwe taku owotanna econ ece kin he owotanna, iye kin owotanna un kin iyececa.

Wayuotanin 22:14

Tona tawoahope kin ecen econpi kin hena wicayawaśtepi, hecen wiconi can kin en ya okihipi kta, qa tiyopa kin ohna otonwe kin timahen yapi kta.