Lukas 6:45 - Dakota Wowapi Wakan Kin

⁴⁵ Wicaśta waśte kin he cante woyuha waśte kin etanhan taku waśte icaḣya ece; qa wicaśta śice cin he cante woyuha śice cin etanhan taku śice icaḣya ece: wicacante taku iyakic̣uya ohnaka kin he etanhan i kin eciyatanhan enapeya ece, eya.

Lukas 6:45 Iomraidhean Croise

Johannes 7:38

Tuwe wicamada kinhan, wowapi wakan eye cin iyececa, iye tanmahen tanhan wiconi mini wakpadan kaduze kta ce.

Olianyanpi kin 5:3

Tuka Inyan heciya; Ananias, tokeca e Woniya Wakan kin oiyaton kte śni e Satan nicante kin en ocowasin iyoḣpaya, qa maga iyopeyapi kin apa anayakiḣman he;

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Ephesos 4:29

Wicoie śice cin owasin takudan niipi kin etanhan hinanpe śni nunwe, tuka taku waśte, on icaḣ yapi kta, tona naḣonpi kinhan wowaonśida wicaqu kte cin he ecedan.

Ephesos 5:19

Qa Psalm, qa odowan, qa wakan dowanpi kin on wahokonkiciciya po; ahiyayapi qa nicantepi kin ekta Itancan kin idowan po.

Kolosse 3:16

Messiya oie kin wijinya en niunpi nunwe; woksape owasin on, Psalm, qa odowan, qa wakan dowanpi kin en, otoiyohi wahokonyeciciyapi, qa onspeyeciciyapi kta, qa nicantepi kin en wowaonśida yuha Itancan kin iyadowanpi kta.

Kolosse 4:6

Ohinniyan iyaapi kin wowaonśida en un, qa miniskuya on skuyeyapi kta, hecen wicaśta otoiyohi token awicaduptapi kte cin sdonyayapi kta.

Hebrew 8:10

Anpetu kin hena iyohakam wicotakuye wicawecage kte cin he dee; Hena wicotawacin kin en mitoope kin wicawaqu kta, qa cantepi kin akan owawa kta, qa miye Wakantanka mayanpi kta, qa miś hena mitaoyate wicawaye kta;

Judas 1:15

Owasin wicayaco kta, qa tona Taku Wakan ohodaśni kin hena wicoḣan śikśica owasin ohodaśniyan econpi qon hena sdonkiyewicaye kta, qa wicoie canksiksi owasin waḣtanipi sa Taku Wakan ohodapi śni oie kicatonpi ece qon hena nakun.