Lukas 6:42 - Dakota Wowapi Wakan Kin

⁴² Qa, Misunka, sukaza iśta ohna niyanke cin he ito ciciyusdoke kta ce, token nisunka eyakiye kta he, qa icunhan niye niiśta kin ohna cankaga wanke cin he wanyahdake śni. Wanayakiḣbe cin, niś tokaheya cankaga iśta ohna niwanke cin he ito tokan eḣpeya wo; qa hehan hinakaha nisunka iśta kin ohna sukaza yanke cin he yeciyuśdoke kta mdesya wandake kta ce.

Lukas 6:42 Iomraidhean Croise

Mattheos 26:75

Hehan Inyan, Jesus taku eciye ciqon, Anpaohotonna hoton śni kin itokam yamni anamayakiḣbe kta ce, eye cin he kiksuya. Unkan tankan iyaye c̣a nina ceya.

Mattheos 7:3

Qa nisunka iśta kin en takuśni yanka e tokeca wandaka he; qa cankaga wan niiśta ohna yanke cin he wanyahdake śni.

Mattheos 7:4

Qa iś token nisunka, Ito niiśta kin etanhan takuśni kin icicicu kta, eyakiye kta he; qa iho, cankaga wan niiśta ohna yanka ce.

Lukas 13:15

Unkan Itancan kin waayupte c̣a heciya; Wanaic̣iḣbe cin, niyepi otoiyohi, anpetu wakan, tatanka qa iś śonśonna nitawapi kin yakiduśkapi qa miniyatkekiya adapi śni he.

Lukas 22:32

Tuka wacinyaye cin he iyotpani kte śni e wocekiye eciciya; qa tohan niś niyuhomnipi kinhan, nihunkawanji wicahduwaśaka wo, eya.

Lukas 6:41

Qa tokeca nisunka iśta kin ohna sukaza yanke cin he wandaka; tuka niye niiśta kin ohna cankaga wanke cin he wanyahdake śni he.

Lukas 6:43

Can wanji waśte kin waskuyeca śica icaḣye śni; qa nakun can wanji śice cin he waskuyeca waśte icaḣye śni.

Olianyanpi kin 13:10

Qa heya; Taku wohnaye owasin on ojudan, qa wicoḣan śica owasin, Wakan śica cinca niye c̣a, taku owotanna owasin toka yaye cin, Itancan tacanku owotanna kin kaśeyaye cin he aduśtan kte śni he.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 8:21

Wicoie kin de en oyape śni qa takudan nitawa śni; Wakantanka itokamya nicante kin owotanna śni.

Roma 2:1

Heon etanhan wicaśta kin nituwe kaśta, wadaco kinhan iyaonpepica śni yaun kte śni. Taku on wicaśta tokeca daco kinhan he en niye nihdaco, wadaco tuka niś eya he kici taku okonwanjidan ecanon ece.

II. Korinth 5:18

Qa taku owasin Wakantanka etanhan un, he iye kici okiciciye unkiyapi, Jesus Messiya eciyatanhan, qa wookiye wawokiyapi kin he unqupi.

II. Timotheos 2:21

Hecen on, tuwe hena taku kin etanhan itpakinte cinhan, he wakśica waśte kin heca kta, ecedan, qa Itancan kin wowinyunye kta e iyokipi, qa wicoḣan waśte owasin on yuśtanpi:

II. Inyan 1:9

Tuka tuwe dena yuhe śni kinhan, he iśtagonge c̣a tehan wawanyaka okihi śni, qa waḣtani qon hena kipakintapi kin he akiktonja.