Lukas 6:23 - Dakota Wowapi Wakan Kin

²³ Anpetu kin he en wiyuśkinpi, qa wopida on śkehanhan po; iho, maḣpiya ekta wokajuju tanka duhapi; atewicayapi kin iś eya iyecen wicaśta wokcanpi wicakuwapi qon.

Lukas 6:23 Iomraidhean Croise

Mattheos 5:12

Wiyuśkinpi qa nina cante waśte po, maḣpiya ekta ocinyopeniyanpi tanka yanka; wicaśta wokcan nitokam unpi qon hena iś eya hecen wicakuwapi qon.

Lukas 1:41

Unkan Elisabeth Mary ia naḣon qehan, itpi mahen hokśiyoqopa kin śkehanhan; hehan Elisabeth Woniya Wakan kin ojudan:

Lukas 1:44

Inyun, iyae cin noge iyoḣpemaye c̣ehan, hecehnana miitpi mahen hokśiyoqopa kin wowiyuśkin on śkehanhan.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Olianyanpi kin 14:10

Hehan hotankakiya, Nisiha on bosdan najin wo, eya. Unkan iś psin iyaye c̣a mani.

Olianyanpi kin 3:8

Hehan iye kin psin iyaye c̣a najin, qa mani, qa om tipi wakan kin timahen iyaya, mani qa psipsica, qa Wakantanka idowan.

Olianyanpi kin 5:41

Unkan iye omniciye kin etanhan hdapi, qa Jesus caje kin on wowiśtece en awicaupi iyececa wicayawapi kin heon wiyuśkinpi.

Roma 5:3

Qa hecedaii śni, nakun wokakije on unkiyuśkinpi ece; wokakije kin he wacin tankapi kaga e sdonunyanpi;

II. Korinth 12:10

Heon etanhan wowayazan kin en imduśkin ece, qa waaiapi, qa iwicakakije, qa śicaya wicakuwapi, qa Messiya on wicokakije kin henakiya en; tohan wamaśake śni eca taku owakihi ece.

Kolosse 1:24

Nakaha niyepi kin on etanhan makakije cin neon imduśkin, qa Messiya wokakije tawa, taku miceḣpi kin en yuśtanpi śni kin hena iye tancan kin, okodakiciye kin hee, on weciyuśtan kta.

II. Timotheos 2:12

Iye on unkakijapi kinhan, kici wicaśtayatapi unyakonpi kta. Qa unkiye eḣpeunyanpi kinhan, iś eya eḣpeunyanpi kta.

Hebrew 11:26

Messiya on aiapi kin he, woyuha Egupta en un kin sam iyeya wowijice tanka daka; wokajuju iyunwin kin he awacin kin heon etanhan.

Hebrew 11:6

Tuka wacinyanpi codan tuwedan iyokipiye kta okihi śni. Tuwe en u kinhan he Wakantanka ni un, qa tona aic̣iciya akitapi kin hena iyunwin wicaqu ece kin he wicada kta.

Jakob 1:2

Mihunkawanji, taku wawiyutanyan un kin ota ayakipapi kinhan, he wowiyuśkin ocowasin hdawa po:

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

Wayuotanin 2:17

Tuwe noge yukan hecinhan, taku Woniya kin okodakiciye kin ewicakiye cin he naḣon kta. Tuwe ohiye cinhan he manna kihnakapi qon he etanhan yunwakiye c̣a inyan ska wan waqu kta, inyan kin he en wicacaje teca wan kagapi kin he tuwedan sdonye śni, tuka tuwe icu kte cin hecedan.

Wayuotanin 2:26

Qa tuwe ohiye c̣a owihanke kin iyahdeya mioḣan kin yuha un kinhan, oyate kin en wowaśake waqu kta.

Wayuotanin 2:7

Tuwe noge yukan hecinhan, taku Woniya kin okodakiciye kin ewicakiye cin he naḣon kta. Tuwe ohiye cinhan he can wiconi, Wakantanka tamaga cokaya he cin, hetanhan yun wakiye kta.

Wayuotanin 21:7

Tuwe ohiye cinhan he taku owasin tawaye kta, qa iye Wakantanka maye kta, qa miś he cinkśiwaye kta.

Wayuotanin 3:12

Tuwe ohiye cinhan, he tipi wakan mita Wakantanka tawa kin ohna can ihupa wan wakage kta, qa icimana tankan ye kte śni; qa he akan mita Wakantanka caje kin owawa kta, qa mita Wakantanka otonwe tawa caje kin, Jerusalem teca kin hee, maḣpiya kin etanhan Wakantanka mitawa kin eciyatanhan u kin hee, qa nakun micaje teca kin.

Wayuotanin 3:5

Tuwe ohiye cinhan he wokoyake ska koyake kta, qa iye caje kin wiconi wowapi kin etanhan wapejuju kte śni, tuka he caje kin Ate itokam, qa ohnihde wicaye cin hena wicitokam omdake kta.