Lukas 6:17 - Dakota Wowapi Wakan Kin

¹⁷ Hehan hena om kun hdicu, qa makomdaya en hdinajin; unkan waonspewicakiye optaye kin, qa Juda owancaya qa Jerusalem, qa mde kahdaya Turos qa Sidon henakiya etanhan wicota ḣinca, hena ia naḣonpi, qa tona wayazankapi kin asniwicayapi kta e en ahi:

Lukas 6:17 Iomraidhean Croise

Mattheos 11:21

Hehehe Korazin, hehehe Bethsada; wicoḣan tanka niyepi en econpi kin, hena Turos qa Sidon en econpi unkanś, wanakaja heyake śica caḣota ko en iyopeiciyapi kta tuka.

Mattheos 12:15

Tuka Jesus he sdonye c̣a hetanhan tokan iyaya; unkan wicota ḣinca ihakam unpi, qa iye hena owasin asniwicaya:

Mattheos 14:14

Unkan huta ekta ihunni qehan, wicota wanwicayaka; qa onśiwicakida, qa tona teḣiya unpi kin hena asniwicaya.

Mattheos 15:21

Hehan Jeans hetanhan tokan iyaye c̣a, Turos qa Sidon makoce ihdukśan wanke cin he ekta i.

Mattheos 5:1

Unkan wicota wanwicayaka hehan paha wan ekta iyaya; qa hen iyotanka hehan waonspewicakiye cin en hipi.

Lukas 5:15

Tuka heon iyotan tankaya wicoḣan kin he oyakapi; hecen wicota en mniciyapi, naḣonpi kta, qa wayazankapi wicayuhapi kin asniwicaye kte cin heon.

Lukas 6:12

Unkan anpetu kin hena en Jesus paha wan ekta wocekiye eya i; qa hanyetu osan Wakantanka cekiya un.

Lukas 6:16

Qa Judas Jakob sunkaku, qa Judas Iskariot, nakun wiyopeye kte cin hee.

Lukas 6:18

Nakun tona woniya śapa on kakijapi kin hena; unkan asniwicayapi.