Lukas 5:32 - Dakota Wowapi Wakan Kin

³² Owotanpidan kin hena iyopeic̣iyapi kta e wicakico wahi śni, tuka waḣtanipi sa.

Lukas 5:32 Iomraidhean Croise

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 9:13

Tuka ya po, qa de taku kapi hecinhan sdonya po; Wowaonśida iyomakipi qa wośnapi wacin śni. Wicaśta owotanna wicakico wahi śni, tuka waḣtanipi sa iyopeiciyapi kta on wahi ce.

Markos 15:10

Wosnapi kagapi kin winawizipi on kahipi e sdonya.

Markos 15:7

Unkan wanji Barabbas eciyapi, he tona om inajin qon kaśkapi yanka, he inajinpi qehan nakun tinwicakte.

Markos 2:17

Jesus he naḣon, hehan hewicakiya; Tuna zanipi kin hena pejinutawicaśta kin cinpi śni, tuka wayazankapi kin hena e cinpi: wicaśta owotanna kin heca on wahi śni, tuka waḣtanipi sa iyopeic̣iyapi kta e wicakico wahi ce.

Lukas 15:10

He iyececa waḣtanipi sa wanjidan iyopeic̣iya ec̣a, on Wakantanka taoḣnihde kin wicitokam wiyuśkinpi ece, eciciyapi ce.

Lukas 15:7

Heciciyapi ce; he iyececa, waḣtanipi sa wanjidan iyopeic̣iya eca, maḣpiya ekta wiyuśkinpi ece e kta, wicaśta owotanna qa woaḣtani on iyopeic̣iyapi kta iyececapi śni wikcemna napcinwanka sanpa napcinwanka on iyecen wiyuśkinpi kte śni.

Lukas 19:10

Wicaśta Cinhintku kin taku atakuni śni qon he akite c̣a niye kta e heon hi ce, eya.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Lukas 5:31

Unkan Jesus waayupte c̣a hewicakiya; Tona zanipi kin hena pejihutawicaśta cinpi śni, tuka wayazanpi kin.

Lukas 5:33

Unkan heciyapi; Tokeca e Johannes waonspewicakiye cin hena ijehan wote śni unpi qa wocekiye eyapi he, qa Pharisee tawapi kin iś eya; tuka nitawa kin wotapi qa wayatkanpi ece.

Olianyanpi kin 17:30

Qa wookaḣnige śni omaka kin hena, Wakantanka ekta etonwe śni; tuka wanna wicaśta owasin owancaya ihduecetu wicaśi.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 20:21

Wakantanka ekta ihduecetupi, qa Jesus Messiya Itancan unkiyapi wacinyanpi kin hena, Juda Helenes oyate ko en mdaotanin ece.

Olianyanpi kin 3:19

Heon ihduecetupi, qa ihduhomni po; hecen wayaḣtanipi kin nicicajujupi kta ce; tohan anpetu yuecetupi kin Itancan itohnake kin eciyatanhan u kinhan;

Olianyanpi kin 3:26

Wakantanka iye Cinhintku Jesus najinkiye c̣a niyawśśtepi kta e on niyepi tokaheya en u śi, otoiyohi wayaḣtanipi kin etanhan ihduhomni niyanpi kta e heon.

Olianyanpi kin 5:31

Hee kin Wakantanka wankan ehdaku, iye nape etapa kin ekta Itancan qa Wanikiya un kta, Israel ihduecetupi qa woaḣtani kajujupi kin wicaqu kta e heon.

II. Inyan 3:9

Itancan kin taku wahowicaye cin yutehan śni, wicaśta wanjikśi yutehanpi eyapi kin iyececa; tuka unkiyepi on wawacinkta yuza tanka, tuwedan awihnuniic̣iye kte śni, tuka owasin woiyopeic̣iye en ihdoupi kta cin.