Lukas 5:24 - Dakota Wowapi Wakan Kin

²⁴ Tuka Wicaśta Cinhintku kin he iś maka akan woaḣtani kajuju kta okihi sdonyayapi kta; hehan ṭaṭake cin he heciya; Najin qa nitowinja ehdaku qa yati kin ekta hda wo, eciciya ce, eya.

Lukas 5:24 Iomraidhean Croise

Mattheos 16:13

Jesus Kesarea Philippi makoce kin en i qehan waonapewicakiye cin wiwicawange qa heya; Wicaśta Cinhintku kin miye matuwe kin, wicaśta keyapi he.

Mattheos 25:31

Tohan Wicaśta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

Mattheos 26:64

Unkan Jesus heciya; Niye ecen eha; tuka nakun heciciyapi; Tokata ekta Wicaśta Cinhintku kin wowaśake etapa eciyatanhan iyotanka qa maḣpiya śapa akan u wandakapi kta.

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Mattheos 4:24

Unkan oḣan kin Suriya owancaya oyakapi; hecen tona śicaya yukanpi, qa tona wowayazan ocaje owasin on wayazanpi, qa teḣiya unpi, qa tona taku wakan śica yuhapi, qa ṭaṭapike cin hena koya owasin en awicahipi; unkan asniwicaya.

Mattheos 9:6

Tuka Wicaśta Cinhintku kin woaḣtani maka akan kajuja kta okihi e he sdonyayapi kta; hehan ṭaṭake cin heciya; Najin wo, nitowinja ehdaku qa tiyata hda wo.

Lukas 5:13

Unkan nape yekiye, c̣a yutan, qa heya; Wacin ce; ska un wo, eya. Unkan wancake lepros ececa qon asni hinhda.

Lukas 5:18

Unkan iho, wicaśta wanṭaṭake cin he owinja ohna wicaśta yuha upi: qa timahen ayapi qa itokam ehnakapi kta akitapi:

Lukas 5:23

Wayaḣtani kin nicicajujupi ce; qa iś, Najin qa mani wo, eyapi kte cin unma tukte waśakadan he

Lukas 7:14

Unkan canakiyuhapi kin en u, qa yutan. Unkan akiyuhapi qon is owanji najinpi. Unkan heya; Kośka, bosdan yanka wo, eciciya ce, eya.

Lukas 8:54

Unkan owasin tankan iyayewicaye, c̣a napata yuze, c̣a kipan qa heya; Wikośka najin wo, eya.

Johannes 11:43

Hecen eye c̣a hehan, Lazarus nunke cin hetanhan tankata hninanpa wo, awitukadan hoyekiya qa eya.

Johannes 17:2

Wicaceḣpi owasin on wowaśake yaqu qon, hecen tona yaqu kin owasin owihanke wanin wiconi wicaqu kta.

Johannes 3:13

Nahaḣin tuwedan maḣpiya kin ekta i śni, tuwe maḣpiya kin eciyatanhan kuntkiya u, qa hi kin he Wicaśta Cinhintku kin hee, nahaḣin nakun maḣpiya kin ekta yanka.

Johannes 5:27

Qa nakun wowaśake woyaco kin he nakun Cinhintku qu, Wicaśta Cinhintku kin e heon etanhan.

Olianyanpi kin 14:10

Hehan hotankakiya, Nisiha on bosdan najin wo, eya. Unkan iś psin iyaye c̣a mani.

Olianyanpi kin 5:31

Hee kin Wakantanka wankan ehdaku, iye nape etapa kin ekta Itancan qa Wanikiya un kta, Israel ihduecetupi qa woaḣtani kajujupi kin wicaqu kta e heon.

Olianyanpi kin 9:34

Unkan Inyan; Eneas Jesus Messiya asniniyan, najin qa owinja hdatata wo, eciya. Unkan ihnuhanna najin hiyaya.

Olianyanpi kin 9:40

Tuka Inyan hena owasin tankan iyewicaye c̣a, canpeśka makehde inajin qa wocekiye eya, hehan tancan wanke cin ekta ihdamna qa; Tabitha, najin wo, eya. Unkan iśta kamdaye c̣a Inyan wanyake c̣ehan iyotanka.

Wayuotanin 1:13

Qa petijanjan ihupa śakowin kin cokaya Wanji Wicaśta Cinhintku kin iyececa, tawokoyake kin siha kin ekta iyahdeya, qa maku kin opta mazaskazi ihduskita.