Lukas 5:17 - Dakota Wowapi Wakan Kin

¹⁷ Unkan anpetu wan waonspewicakiya icunhan, Pharisee qa wicoope onspekiye cin hena, Galile otonwe kin owasin, qa Juda qa Jerusalem etanhan, en ahi kin hena en iyotankapi; unkan Itancan towaśake kin asniwicaye kta e en un.

Lukas 5:17 Iomraidhean Croise

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 15:1

Hehan Jerusalem etanhan wewapi kagapi qa Pharisee kin Jesus en hipi qa heyapi;

Markos 1:45

Tuka tankan hde c̣a, nina ohdake c̣a, owancaya yaotanin, hecen hetanhan Jesus otonwe kin en taninyan ye kta okihi śni, tuka tankan ḣewotahedan un ece: unkan owancaya tanhan yanke cin en hipi ece.

Markos 16:18

Sinteḣda yuwankan icupi kta; qa pejihuta śica yatkanpi eśta etanhan itokecapi kte śni; wayazankapi kin nape awicahnakapi kta, kinhan asnipi kta ece.

Markos 3:22

Nakun wowapi kagapi Jerusalem etanhan hipi kin hena heyapi; He Beelzebub yuha, qa wakanśica itancan kin on wakan śica napewicaya ece.

Markos 5:30

Unkan hecehnana woasni etanhan hiyu kin Jesus atayedan sdonkiya, wicota ehna ihduhomni qa heya; Mitawokoyake tuwe yutan he.

Markos 7:1

Hehan Pharisee qa wowapi kagapi wanjikji, Jerusalem etanhan upi qa en ahimniciya;

Lukas 15:2

Unkan Pharisee kin wowapi kagapi ko ikapapi qa heyapi; Wicaśta kin de waḣtanipi sa iyowinwicakiye c̣a om wota ece.

Lukas 2:46

Unkan yamni can, hehan tipi wakan kin en waonspekiyapi kin wicacokam waanawicagoptan, qa wiwicawanḣ yanka iyekiyapi.

Lukas 5:21

Unkan wowapi kagapi qa Pharisee kin iś waakinicapi qa heyapi; De tuwe e taku śica decen eya he. Tuwe woaḣtani kajuju kta okihi he; Wakantanka ecedan okihi.

Lukas 5:30

Tuka wowapi kagapi wicayuhapi qa Pharisee kin hena waonspewicakiye cin wicakigepi, qa heyapi; Tokeca e wamnayanpi qa waḣtanipi sa om wayatapi qa wadatkanpi ece he.

Lukas 6:19

Unkan wicota kin iyuḣpa yutanpi kta akitapi; etanhan wowaśake hiyu qa owasin asniwicaya ece kin heon etanhan.

Lukas 7:30

Tuka Pharisee kin, wicoope aiapi kin om, Wakantanka wahokonwicakiye cin en iyapaṭoic̣iyapi, Johannes baptem wicaqu śni nakaeś.

Lukas 8:46

Unkan Jesus heya; Tuwe mayutan; wowaśake ematanhan hiyu kin he sdonwakiya ce.

Johannes 3:10

Jesus ayupte c̣a heciya; Israel en waonspekiye cin henica, tuka dena oyakaḣnige śni he.

Johannes 3:21

Tuka tuwe wowicake eciyatanhan oḣanye cin he iyoyanpa kin en u, oḣan yuotaninpi kta, Wakantanka eciyatanhan oḣanye cin heon.

Olianyanpi kin 19:11

Unkan Palos nape kin on Wakantanka wowapetokeca wakan kin econ ece.

Olianyanpi kin 4:30

Wawokiziya on ninape kin yahdugate cin heon; qa Jesus Nicinkśi wakan caje kin on taku wapetokeca, qa on yuśinyayapi kte cin hena econpi kta.

Olianyanpi kin 5:34

Hehan Pharisee wan Gamaliel eciyapi, woope waonspekiya, qa oyate kin en okinihan, he omnic̣iye kin en najin, qa yewicaśipi kin cistiyedan tankan aye wicaśi: