Lukas 4:8 - Dakota Wowapi Wakan Kin

⁸ Unkan Jesus waayupte c̣a heciya; Satan, mitapetepa tanhan ya wo: Itancan Wakantanka nitawa kin, he iye itokam makata eḣpenic̣iye kta, qa iye iśnana ahoyape kta ce, eya owapi ce.

Lukas 4:8 Iomraidhean Croise

Mattheos 16:23

Tuka iye ihduhomni qa Inyan heciya; Satan mihektapa tanhan ya wo, tokamayaya; Wakantanka taku tawa kin awacanni śni, tuka wicaśta taku tawapi kin.

Mattheos 4:10

Hehan Jesus heciya; Satan miḣeyata ya wo; Itancan Wakantanka nitawa kin he ohoyada kta, qa iśnana wowidagniye kta ce, eya owapi tuka qon.

Lukas 4:4

Unkan Jesus waayupte c̣a heciya; Aguyapi ecedan on wicani kte śni; tuka Wakantanka oie kin owasin on wicani kta ce, eya owapi ce.

Lukas 4:7

Heon etanhan niś mitokam makata eḣpenic̣iye cinhan, owasin nitawa kta ce.

Jakob 4:7

Heon etanhan, Wakantanka ihukuya iyeic̣iya po. Wakanśica kipajin po, kinhan nanicipapi kta.

I. Inyan 5:9

Sutaya wacinyayapi kin on he kipajin po; nihunkawanjipi maka akan unpi kin hena en wokakije kin dena iyececa yuśtanpi ece e sdonyayapi.

Wayuotanin 19:10

Unkan hehan he siha hdepi kin en makata eḣpemic̣iye c̣a ohowada kta; tuka iye hemakiya, Ihnuhan hecanon kin, miś cici ookiye waun, qa nihunkawanji Jesus yaotanin yuhapi kin hemaca; Wakantanka ohoda wo. Jesus yaotanin kin he wokcanpi woniya kin hee.

Wayuotanin 22:9

Hehan hemakiya, Ihnuhan hecanon kin; miś eya ookiye cici waun, qa nihunkawanji wicaśta wokcanpi kin etanhan waun, qa tona wowapi kin de oie yuhapi kin hena owicawapa; Wakantanka ohoda wo.