Lukas 4:6 - Dakota Wowapi Wakan Kin

⁶ Unkan Wakanśica heciya; Wicowaśake kin de wicookitanin ko owasin cic̣u kta; hena owasin yuhemakiyapi, qa tuwe wacin kinhan waqu kta.

Lukas 4:6 Iomraidhean Croise

Lukas 4:7

Heon etanhan niś mitokam makata eḣpenic̣iye cinhan, owasin nitawa kta ce.

Johannes 12:31

Wanna oyate kin wicayacopi; qa wanna maka akan itancan kin tankan eḣpeyapi.

Johannes 14:30

Detanhan taka ota eciciyapi kte śni; maka akan itancan kin wanna u, tuka miye kin en takudan tawa śni.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

II. Korinth 11:14

Qa he taku wowioihan śni, Satan iye kaeś iyoyanpa ohnihde kin iyecen ihduza.

Ephesos 2:2

Hena ehna ehanna mayanipi, wicoicage kin de wiconi kin eciyatanhan, qa okotonyan wowaśake kin itancan kin eciyatanhan, he taku wakan woakta śni cinca kin en oḣanye cin hee.

I. Inyan 1:24

Wicaceḣpi owasin peji iyececa, qa wicaśta towitan kin owasin peji ḣca kin iyececa. Peji kin he śniś aye c̣a waḣca kin hinḣpaya ece;

I. Johannes 5:19

Wakantanka eciyatanhan unyakonpi kin he sdonunkiyapi; qa wicoicage kin ocowasin woaḣtani en wanka.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 13:2

Unkan wamanica wanmdake cin he inmu tanka iyececa, qa siha kin hena waḣanksica siha kin iyececa, qa i kin mnaja i kin iyececa. Unkan wamduśka qon towaśake kin he qu, qa oiyotanke tawa kin, qa wicookihi tanka.

Wayuotanin 13:7

Qa tona owotanna un kin hena azuwicaye c̣a wicaktedan kta e qupi, qa wicowazi, qa iapi kin, qa oyate kin owasin wicayuhe kta e wowaśake qupi.