Lukas 4:41 - Dakota Wowapi Wakan Kin

⁴¹ Qa wakan śica iś eya ota wicota etanhan hinanpapi, qa heya niyanpi; Wakantanka Cinhintku Messiya kin he niye ce. Unkan iye wicakiśice c̣a, Messiya hee sdonyapi kin he, eyapi kta iyowicaki śni.

Lukas 4:41 Iomraidhean Croise

Mattheos 26:63

Tuka Jesus inina yanka. Unkan wośnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Mattheos 8:16

Wanna ḣtayetu hehan wakan śica wicayuhnaśkinyan ota en awicahipi; unkan oie kin on wakan śica napewicaya; qa tona wayazankapi kin owasin asniwicaya.

Mattheos 8:29

Unkan iho, heya howayapi; Jesus Wakantanka Cinhintku, taku unkiyotahedan un he; hinaḣinke śni tuka itokam kakiśunyayapi kta on yahi he.

Mattheos 8:4

Unkan Jesus heciya; Ihunhan tuwe oyakidake cinhan; tuka ekta ye c̣a wośnapi kage cin he en ihdutanin wo, qa taku Moses econniśi qon he wayuśna wo, sdonyapi kta e heon etanhan.

Markos 1:25

Hehan Jesus iyopeye c̣a heciya; Inina yanke c̣a, tankata hninanpa wo.

Markos 1:32

Wanna ḣtayetu, wi iyaya hehan, wayazankapi kin owasin yanke cin en awicahipi, tona wakanśica wicayuhnaśkinyan hena koya.

Markos 1:34

Unkan wowayazan toktokeca on wayazanpi kin ota asniwicaya, qa taku wakan śica ota nakun tankan hinanpe wicakiya; qa wakan śice cin hena ia iyowinwicakiye śni, hena iyekiyapi nakaeś.

Markos 3:11

Qa tona woniya śapa yuhapi kin hena wanyakapi, hehan itokam makata iḣpayapi qa heya howayapi, Wakantanka Cinhintku kin he niye ye.

Lukas 4:39

Unkan en inajin, qa tancan kata kin he kiśca; unkan asni hinhda: qa hecehnana najinhiyaye c̣a, owicakiya.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Jakob 2:19

Taku Wakan kin wanjidan he wicayada; he tanyan ecanon; taku wakan śicapi kin iś eya wicadapi qa cancanpi ece.