Lukas 4:25 - Dakota Wowapi Wakan Kin

²⁵ Tuka awicakehan heciciyapi; Elias taanpetu kin en, waniyetu yamni sanpa wi śakpe hehanyan maḣpiya kin natakapi; qa makoce kin owancaya wicaakiḣan ḣince ciqon he ehan, Israel en wiwazica ota.

Lukas 4:25 Iomraidhean Croise

Mattheos 20:15

Miye mitawa kin token wacin kin ecen ecamon kta iyecece śni he; miye mawaśte kin heon etanhan iśta niśica he.

Lukas 10:21

Unkan he ehan Jesus cante mahen iyuśkin, qa heya; Ate, maḣpiya maka ahna on Itancan, niye taku kin dena ksapapi, qa wayupikapi kin hena anawicayakiḣbe, c̣a hokśiyoqopa kin heca sdonyewicayakiye cin, he pidamayakiya ce; han, Ate; niye hecen iyonicipi kin heon etanhan.

Roma 9:15

He Moses heciya; Tuwe onśiwakida kte cin he onśiwakida kta, qa tawe wacin en mduze kte cin he wacin en mduze kta ce.

Roma 9:20

Hiya, wicaśta kin, niś nituwe he, hecen Wakantanka i en hiyeyaya he. Taku kagapi kin he tuwe kage cin, Tokeca hecen mayakaga he, eciye kta he.

Ephesos 1:11

Qa tuwe iye tawacin wokonze kin eciyatanhan, taku owasin kage cin he otokaheya tanhan unkaḣnigapi kin, he iye en woaiḣpeye kin unhapi.

Ephesos 1:9

Qa iye toiyokipi kin eciyatanhan, iye tawacin wowiyukcan kin sdonyeunkiyapi, he iye en ic̣iconze ciqon he iyecen:

Jakob 5:17

Elijah wicaśta wacinyuza iyeuncecapi, qa wocekiye on magaju kte śni e icekiya; unkan waniyetu yamni sanpa wi śakpe hehanyan maka kin ahinhe śni.

Wayuotanin 11:6

Hena e maḣpiya kin onataka okihipi, hecen magaju kte śni, waayatapi anpetu kin icunhan, qa mini kin we icaḣyapi kta okihipi, qa tohan cinpi eca wokakije owasin on maka kin kakiśyapi ece.