Lukas 4:23 - Dakota Wowapi Wakan Kin

²³ Unkan hewicakiya; Awicakehan iapi kin de ecen emayakiapi kta; Niye pejihuta wicaśta kin, asniic̣iya wo: Kapernaum ekta token ecanon naunḣonpi kin, makoce nitawa kin den nakun ecen econ wo.

Lukas 4:23 Iomraidhean Croise

Mattheos 13:54

Qa iye tamakoce kin en ki qehan, omniciye tipi yuhapi kin ohna waonspewicakiya; hecen yuśinyayapi qa heyapi; Woksape kin de, qa wicoḣan tanka, wicaśta kin de tokiyatanhan yuha he.

Mattheos 4:13

Qa Nazareth eḣpeya iyaye c̣a Kapernaum en hiyanka, he mde kin icahda, Zabulon qa Nephtalim opapun kin hetu.

Mattheos 4:23

Unkan Jesus Galile owancaya iyaya, omniciye tipi yuhapi kin ohna waonspewicakiye c̣a, wokiconze wotanin waśte kin oyaka ece, qa oyate kin en wowayazan owasin qa wicocante śica owasin asniyan ece.

Markos 6:1

Unkan hetanhan iyoopta iyaye c̣a iye tamakoce kin ekta ki; qa waonapewicakiye cin hena opapi.

Lukas 2:39

Unkan Itancan wicoope taw a kin owasin ecekcen yuśtanpi qehan, Galile en iye otonwe tawapi Nazareth he ekta kihdapi.

Lukas 2:51

Hecen om hde, c̣a Nazareth ekta ki, qa anawicakigoptan un. Unkan hunku kin wicoie kin dena owasin cante mahen yuha un.

Lukas 4:16

Unkan Nazareth en icaḣyapi qon he ekta hdi; qa econ ece kin he iyecen, anpetu wakan icunhan, omniciye tipi kin en tin iyaye c̣a, wowapi yawa kta inajin.

Lukas 4:31

Qa Galile en Kapernaum otonwe kin he ekta hi, qa anpetu wakan eca waonspewicakiya ece.

Lukas 4:35

Unkan Jesus kiśice c̣a heciya; Inina un, qa wicaśta kin etanhan tankan hinapa wo, eya. Unkan wakanśice cin wicaśta qon wicacokam eḣpeye c̣ehan, etanhan tankan hinapa; tuka ksuweye śni.

Lukas 6:42

Qa, Misunka, sukaza iśta ohna niyanke cin he ito ciciyusdoke kta ce, token nisunka eyakiye kta he, qa icunhan niye niiśta kin ohna cankaga wanke cin he wanyahdake śni. Wanayakiḣbe cin, niś tokaheya cankaga iśta ohna niwanke cin he ito tokan eḣpeya wo; qa hehan hinakaha nisunka iśta kin ohna sukaza yanke cin he yeciyuśdoke kta mdesya wandake kta ce.

Johannes 4:28

Hehan winoḣinca kin wakiśkokpa eḣpeya kihde c̣a, otonwe kin ekta ki, qa wicaśta kin hewicakiya;

II. Korinth 5:16

Heon etanhan, detanhan wicaceḣpi eciyatanhan tuwedan sdonunyanpi śni; han, Messiya hee wicaceḣpi eciyatanhan sdonunyanpi eśta, nakaha detanhan sdonunyanpi śni.