Lukas 4:18 - Dakota Wowapi Wakan Kin

¹⁸ Itancan Woniya tawa kin he akan maun; heon waḣpanicapi kin wotanin waśte kin owicawakiyake kta e sdamakiya; tona cante psakawahanpi kin asniwicawaye kta on u maśi; wayaka unpi kin wicakiyuśkapi kta, qa iśtagongapi kin ake tonwanpi kte cin omdake kta; tona kaḣdeḣdecapi kin hena wicawakiyuśke kta;

Lukas 4:18 Iomraidhean Croise

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 12:18

Iho, mitahokśdan wahdaḣnige ciqon; waśte wakidake cin on minagi iyuśkin ece; mitaniya kin waqu kta, hecen Ikcewicaśta kin woyaco owicakiyake kta.

Mattheos 12:20

Cedi kaśuśujapi kin he yukse kte śni, qa haḣonta ide kte cin he kasni kte śni, woyaco he woohiye ekta au śni kinhan:

Mattheos 4:16

Oyate otpaza en iyotanke ciqon he iyoyanpa tanka wanyakapi, qa tona wiconṭe makoce qa ohanzi kin en iyotankapi kin hena iyoyanpa awicahinanpa ce.

Mattheos 5:3

Tona cante mahen onśiic̣idapi kin hena wicayawaśtepi ce; maḣpiya wokiconze kin he tawapi ece.

Lukas 4:17

Unkan Isaya wicaśta wokcan tawowapi kin qupi. Unkan wowapi kin yumdaye c̣ehan, decen owapi kin iyeya;

Lukas 6:20

Unkan waonspewicakiye cin awicatonwe, c̣a heya; Niwaḣpanicapi kin niś niyawaśtepi ce; Wakantanka tokiconze kin he niye nitawapi.

Lukas 7:22

Henan Jesus waayupte c̣a hewicakiya; Hda po, qa taku wandakapi qa nayaḣonpi kin hena Johannes okiyaka po: Iśtagongapi kin hena tonwanpi, qa huśtepi kin iś manipi, qa lepros ececapi kin iś wicayuskapi, qa nogetpapi kin is wanaḣonpi, qa ṭapi kin iś kiniwicakiyapi, qa waḣpanicapi kin iś wootanin waśte kin he owicakiyakapi.

Johannes 1:41

He cincu Simon tokaheya iyeye c̣a heciya; Messiya, he Sdayapi eyapi kin, iyeunyanpi ce:

Johannes 12:46

Miye maka akan iyoyanpa wahi; hecen tuwe wicamada kinhan he otpaza en omani kte śni.

Johannes 3:34

Wakantanka tuwe u śi kin he Wakantanka oie oyaka; Wakantanka Taniya kin iyuta qu śni, ocowasin qu.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 26:18

Iśta wicadumdaye c̣a, otpaza etanhan iyoyanpa ekta, qa Satan towaśake kin etanhan Wakantanka ekta wicaduhomni kta; qa hecen wacinmayanpi kin on waḣtanipi wicakicicajujupi kin, qa tona ska wicakagapi kin hena om woyuha yuhapi kta ce.

Olianyanpi kin 4:26

Maka wicaśtayatapi kin najin hiyaye c̣a, wicaśta itancanpi kin witaya mniciyapi, Itancan kin en, qa Sdakiye ciqon he nakun.

Olianyanpi kin 4:27

Awicakehan Jesus Nicinkśi wakan sdayakiye ciqon he en, Herod, qa Pontiyos Pilate, Ikcewicaśta, Israel oyate ko mniciyapi;

Kolosse 1:13

He otpaza wowaśake kin etanhan unkiyuśpapi, qa iye Cinhintku waśte kidake cin tokiconze kin en ounye unkiyapi:

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

I. Inyan 2:9

Tuka wicoicage kaḣnigapi, wawayuśnapi wicaśtayatapi, wicoun wakan, qa oyate opewicakitonpi kin he niyepi; hecen tuwe otpaza etanhan, iye iyoyanpa wakan tawa kin en nicopi kin he oḣan waśte kin odakapi kta.