Lukas 4:1 - Dakota Wowapi Wakan Kin

¹ Unkan Jesus Woniya Wakan kin ojudan, Jordan eciyatanhan hdi; qa Woniya kin makotahedan ekta iyayeya;

Lukas 4:1 Iomraidhean Croise

Mattheos 3:16

Unkan Jesus baptem qupi qehan ecahankeya mini kin etanhan itawankanhde hda; unkan iho, maḣpiya kin ayuzamnipi, qa Wakantanka Taniya kin wakiyedan kaḣya kuntkiya u, qa en hiyahan, wanyaka.

Lukas 2:27

He Woniya kin on tipi wakan kin en tin hiyu; unkan hunkakewicaye cin hokśiyoqopa Jesus, wicoope kin eciyatanhan ecakiconpi kta e en hdoupi;

Lukas 3:3

Unkan he Jordan kahda makoce kin owancaya en u, qa woaḣtani kajujupi kta on iyopeic̣iyapi baptem wicaqupi kin he oyaka:

Lukas 3:38

He Enos etanhan, he Seth etanhan, he Adam etanhan, he Wakantanka etanhan.

Lukas 4:14

Hehan Jesus Woniya towaśake kin yuha Galile en hdi; unkan ihdukśan makoce wanke cin owancaya he oyakupi.

Lukas 4:18

Itancan Woniya tawa kin he akan maun; heon waḣpanicapi kin wotanin waśte kin owicawakiyake kta e sdamakiya; tona cante psakawahanpi kin asniwicawaye kta on u maśi; wayaka unpi kin wicakiyuśkapi kta, qa iśtagongapi kin ake tonwanpi kte cin omdake kta; tona kaḣdeḣdecapi kin hena wicawakiyuśke kta;

Johannes 1:32

Unkan Johannes wayaotanin qa heya; Woniya kin he wakiyedan kaḣya maḣpiya eciyatanhan kuntkiya u wanmdaka, unkan he en hiyanka.

Johannes 3:34

Wakantanka tuwe u śi kin he Wakantanka oie oyaka; Wakantanka Taniya kin iyuta qu śni, ocowasin qu.

Olianyanpi kin 1:2

Tona wicakaḣnige c̣a yewicaśi qon hena Woniya Wakan kin eciyatanhan wahokonwicakiye cin iyohakam, anpetu wan en wankan eyakupi kin hehanyan.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 8:39

Unkan mini kin etanhan hdicupi qehan, Itancan Taniya kin Philip eyaku, qa yunokos kin ake wanyake śni; unkan canku kin ohna iyuśkinyan hda.