Lukas 3:16 - Dakota Wowapi Wakan Kin

¹⁶ Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Lukas 3:16 Iomraidhean Croise

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Mattheos 3:12

Icaduge nape ohna hduha, owanka tanyan hdahinte kta, qa aguyapi su kin dotopiye ohna mnakiye kta, tuka ha kin peta kasnipica śni on ḣuḣnaḣye kta.

Johannes 1:26

Johannes awicayupte c̣a heya; Miye mini on baptem wicawaqu ece: tuka wanji nayajinpi kin cokaya najin tuka sdonyayapi śni;

Johannes 1:27

Tuwe mihektam u kte ciqon, tuka mitokam yawapi kin hee; tahanpe kin wakiyuśdoke kta eśta owakihi śni ce.

Johannes 1:33

Unkan he tuwe kin sdonwaye śni, tuka mini on baptem wicaqu maśi qon he omakiyaka; Tohan maḣpiya kin eciyatanhan Woniya kin kuntkiya ye c̣a, tuwe iyahde wandake cinhan he iye Woniya Wakan on baptem wicaqu kta.

Johannes 7:38

Tuwe wicamada kinhan, wowapi wakan eye cin iyececa, iye tanmahen tanhan wiconi mini wakpadan kaduze kta ce.

Olianyanpi kin 1:5

Awicakehan Johannes mini on baptem wicaqu, tuka tokata anpetu tonana ihan, hehan Woniya Wakan on baptem nic̣upi kta ce, eya.

Olianyanpi kin 10:44

Wicoie kin dena Inyan ecen eye cin he icunhan, tona oie kin naḣonpi owasin Woniya Wakan kin awicahinḣpaya.

Olianyanpi kin 2:33

He Wakantanka etapa kin ekta yuwankan icupi, qa Atkuku kin Woniya Wakan iwahoye ciqon he icu, heon nakaha taku wandakapi qa nayaḣonpi kin he akaśtan.

I. Korinth 12:13

Woniya wanjidan on, unkiye owasin wicatancan wanjidan kta e baptem unqupi, Juda qa Helenes oyate, wowidake un kin, tona tawa ic̣iyapi kin hena koya; qa owasin Woniya wanjidan kin he en wayatke unkiyapi.