Lukas 3:11 - Dakota Wowapi Wakan Kin

¹¹ Waayupte c̣a hewicakiya; Tuwe onḣdoḣda nonpa yuhe cinhan, he tuwe nice cin unma qu kta; qa tuwe woyute ton kinhan, iś eya ecen econ kta ce.

Lukas 3:11 Iomraidhean Croise

Mattheos 25:40

Unkan Wicaśtayatapi kin waayupte c̣a hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

Lukas 11:41

Tuka taku duhapi kin etanhanhan wicaqu po; kinhan taku owasin niciskapi kta ece.

Lukas 18:22

Unkan Jesus hena naḣon qehan heciya; Nahanḣin taku wanji iyotpani yaun; taku yaton kin owasin wiyopekiye c̣a waḣpanicapi kin wicakipamni wo, kinhan maḣpiya ekta woyuha duhe kta ce; hehan u qa mihakam un wo.

Lukas 19:8

Unkan Zakeus najinhan najin qa Itancan kin heciya; Itancan wanyaka wo, woyuha mitawa kin hanke wahpanicapi kin wicawaqu ece; qa tuwe oitonśniyan taku iwecicu kinhan, topa akihde wecu kta ce.

Johannes 13:29

Judas mazaska opiye yuhe cin heon, Jesus wośnapi kta on taku cinpi kin he opeton śi; qa iś, waḣpanicapi kin taku wicaqu śi, apa kecinpi.

Olianyanpi kin 10:2

Wicaśta wakinihan, qa Wakantanka kokipeyahan un, tiyohnaka kici; qa oyate kin nina cantewicakiya, qa ohinniyan Wakantanka cekiya un ece.

Olianyanpi kin 10:31

Qa, Kornelios wocekiye nitawa kin he naḣonpi, qa taku wacantkiya ecanon kin he Wakantanka itokam kiksuyapi ce.

Olianyanpi kin 10:4

Unkan he opaḣta yanke c̣a inihan qa; Itancan taku he, eya. Unkan iś ito heciya; Wocekiye nitawa qa wacantkiya oyaḣande cin he Wakantanka itokam kiksuyapi.

Ephesos 4:28

Tuwe wamanon kin he ake manon kte śni, tuka ḣtani kta, nape on taku waśte econ kta, hecen waḣpanica kin he taku wicaqu kte cin yuhe kta.

I. Timotheos 6:17

Tona maka kin den watonpike cin wahokonwicakiya wo, watankaic̣idapi kte śni, qa woyuha atakuni śni aya ece kin wacinyanpi kte śni, tuka Wakantanka ni un taku iyounkipipi kta e iyakic̣uya unqupi kin hee;

I. Timotheos 6:18

Taku waśte ece econpi kta, wicoḣan waśte ijicapi kta, wapamnipi, qa wawicaqupi ṭawatenyapi kta;

Hebrew 6:10

Wakantanka owotanna, qa heon wicoḣtani, qa wowaśte wokicanye nitawapi, iye caje kin on ecanonpi, tona owotanna un owicayakiyapi, qa nahaḣin owicakiya dukanpi kin he akitonje kte śni.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.

Jakob 2:14

Mihunkawanji, tuwe wacinyan keya eśta, iyecen wicoḣan yuhe śni kinhan, he taku iyokihi kta he. Wacinyan un kin he niyan okihi he.

I. Johannes 3:17

Tuka tuwe maka akan woyuha ton, qa hunkawanjitku waḣpanica wanhdake c̣a, cantekiye cin anakipte cinhan, token Wakantanka waśtedake cin en un kta he.

I. Johannes 4:20

Tuwe, Wakantanka waśtewadaka ce, eye c̣a hunkawanjitku śicekidake cinhan, he itonśni. Tuwe hunkawanjitku wanhdake cin he waśtekidake śni kinhan, token ecin Wakantanka wanyake śni kin waśtedaka okihi kta be.