Lukas 24:44 - Dakota Wowapi Wakan Kin

⁴⁴ Qa hewicakiya; Nahaḣin om ciunpi qon ehan, wicoie ociciyakapi qon he dee ce; Moses wicoope tawa, qa wicaśta wokcan, qa odowan kin, henakiya en miye on taku token owapi qon owasin ecen yuśtanpi kta iyececa ce, eya.

Lukas 24:44 Iomraidhean Croise

Mattheos 1:22

Unkan dena owasin hecen econpi, Itancan oie, wicaśta wokcan oyake ciqon he yuecetupi kta; he hecen eya;

Mattheos 16:21

Hetanhan Jesus waonspewicakiye cin wowicakiyaka, Jerusalem ekta ye kta iyececa, qa wicaḣincapi, wośnapi kagapi, wowapi kagapi ko on taku ota kakije kta, qa ktepi kta, qa anpetu iciyamni hehan ake kini kta, hena owicakiyaka.

Mattheos 26:54

Tuka hecetu kinhan, wowapi en kagapi, he decetu kta eyapi qon he token yuecetupi kta he.

Mattheos 26:56

Tuka dena owasin econpi, wicaśta wokcan taku owapi qon he yuecetupi kta heon. Hehan waonspewicakiye cin owasin eḣpeyapi qa najicapi.

Markos 9:31

He icunhan waonspewicakiye cin wowicakiyaka qa; Wicaśta Cinhintku kin wicaśta napepi kin en wicaqupi, unkan ktepi kta; qa ktepi iyohakam anpetu iciyamni hehan kini kta ce, ewicakiya.

Lukas 21:22

Tokic̣onpi anpetu kin hena ee; hecen taku token owapi qon hena owasin ecen yuśtanpi kta ce.

Lukas 22:37

Taku wowapi en kagapi qon, Wicoḣan śica econpi kin om yawapi ce, eyapi kin he miye en yuecetupi kta, eciciyapi: Unkan dena miye on ecen econpi kta ce.

Lukas 24:46

Unkan hewicakiya; Hecen owapi, qa Messiya hecen kakije c̣a, anpetu iyamni kinhan ake kini kte ciqon, he hecetu:

Lukas 9:22

Qa heya; Wicaśta Cinhintku kin taku otakiya on ito iyotanhan iyekiye kta, qa wicaśta tokapapi, qa wawayuśnapi itancanpi, qa wowapi kagapi kin hena ḣeyata iyeyapi, qa ṭeyapi kta ce: unkan anpetu iyamni kinhan kini kta ce, eya.

Lukas 9:44

Wicoie kin dena ninogepi kin en iyoḣpayapi kte; Wicaśta Cinhintku kin wicaśta napepi kin en wicaqupi kta.

Johannes 3:14

Nakun ḣewoskan wanmduśka Moses wankan ehde qon he iyecen Wicaśta Cinhintku kin wankan ehdepi kta.

Johannes 5:39

Wowapi wakan kin en akita po; heciyatanhan wiconi owihanke wanica duhapi kecannipi; unkan omayake cin hena ee.

Johannes 5:46

Moses wicayadapi unkanś miś eya wicamayadapi kta tuka. He miye on wowapi kaga.

Olianyanpi kin 13:33

He cincawicayapi unkiyepi kin en, Wakantanka ecetukiya, Jesus piya icaḣkiye cin hee on; hecen odowan icinonpa kin en kaken owapi qon, Micinkśi kin he niye, anpe dehan cinca cicaga ce.

Olianyanpi kin 13:40

Heon itonic̣ipa po, okinni taku wicaśta wokcan kin en cajeyatapi qon he en nihiyahdepi kta:

Olianyanpi kin 2:27

Minagi kin he hades ekta eḣpemayakiye śni, qa Wanji Wakan nitawa kin he wicaḣwin wanyake kta e on yaqu kte śni.

Olianyanpi kin 3:18

Tuka Wakantanka Messiya token kakije kte cin, wicaśta wokcan kin owasin i kin eciyatanhan, oyake ciqon hena he en hduecetu.

Olianyanpi kin 7:37

Moses Israel cinca kin; Hunkawanjin wicayayapi etanhan wicaśta wokcan wan miye iyemaceca, Itancan Wankantanka nitawapi kin icaḣniciciyapi kta, he anayagoptanpi kta ce, ewicakiye ciqon he dee.

Hebrew 10:1

Taku waśte u kte cin ohanzi kin he woope kin en un, qa hena atayedan taku kin ouncage kin hee śni; heon etanhan, waniyetu otoiyohi wośnapi ohinniyan aipi kin he tona en hipi kin wicayuecedan kta okihi śni.

Hebrew 3:5

Moses wowidake un kin heca, tipi tawa ocowasin ohna wacinyepica un, taku oyakapi kte cin hena yaotanin kte cin heon.

Hebrew 7:1

Melkizedek, Salem Wicaśtayatapi, qa Wawayuśna Wakantanka Iyotan wankantu kin he tawa, hee, Abraham, wicaśtayatapi wicakaśtake cin, etanhan hdicu kin he itkokipe c̣a yawaśte.

Hebrew 9:8

Heon Woniya Wakan kin hecen oyaka, Wakeya tokaheya kin nahuḣin ecen he cin icunhan, tipi iyotan wakan kin ekta canku kin nahaḣin yuotaninpi śni:

I. Inyan 1:11

Messiya Taniya iyepi en un kin, tohantuqa anpetu kin tukte e ka e iwangapi, Messiya kakije kte c̣a wowitan ihakam un kte cin henaitokamoyake ciqon he ehan.

Wayuotanin 19:10

Unkan hehan he siha hdepi kin en makata eḣpemic̣iye c̣a ohowada kta; tuka iye hemakiya, Ihnuhan hecanon kin, miś cici ookiye waun, qa nihunkawanji Jesus yaotanin yuhapi kin hemaca; Wakantanka ohoda wo. Jesus yaotanin kin he wokcanpi woniya kin hee.