Lukas 24:19 - Dakota Wowapi Wakan Kin

¹⁹ Unkan hewicakiya; Hena taku he. Unkan heciyapi; Jesus Nazareth etanhan kin on, he wicaśta wokcan, wicoḣan wicoie ko on waśaka, Wakantanka qa oyate kin owasin wicitokam.

Lukas 24:19 Iomraidhean Croise

Mattheos 21:11

Unkan wicota kin heyapi; Jesus wicaśta wokcan Galile en Nazareth otonwe kin etanhan he dee.

Markos 1:24

Qa heya; Unkayuśtan po; Jesus Nazareth etanhan, taku ecaunniconpi he; ihangunyayapi kta yahi he; nituwe kin sdonwaya, Taku Wakan Wanji Wakantanka tawa kin he niye.

Lukas 24:18

Unkan unma Kleophas eciyapi kin he waayupte c̣a heciya; Jerusalem en yaun śni ece, dehan en taku hiyohi kin dena sdonyaye śni he.

Lukas 7:16

Unkan owasin nina wikopapi, qa Wakantanka yatanpi qa heyapi; Waayate wanji tanka unkiyopeyapi icaga ce, qa Wakantanka taoyate kin wanna wicahiyohi ce, eyapi.

Johannes 3:2

Hanyetu wan Jesus yanke cin en i qa heciya; Itancan, waonspekiye Wakantanka eciyatanhan u kin henica sdonunniyanpi; taku wapetokeca ecanon ece kin tuwedan hecen okihi śni, Wakantanka kici un śni kinhan.

Johannes 4:19

Hehan winoḣinca kin heciya; Itancan, wicaśta wokcan kin henica imdukcan;

Johannes 6:14

Taku wapetogya Jesus econ kin oyate kin wanyakapi, qa heon heyapi, Wicaśta wokcan itancan oyate en hi kta keyapi qon he wanna dee.

Johannes 7:52

Unkan ayuptapi qa heciyapi; Niś Galile henitanhan he: Wawiwange c̣a wanyaka wo; wicaśta wokcan tuwedan Galile etanhan u śni ce.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 2:22

Israel wicaśta, wicoie kin de naḣon po; Jesus Nazareth etanhan qon, wicaśta wan niyepi kin ekta, Wakantanka hdutanin qon, wicowaśake, taku on inihanpi, qa wowapetokeca niyepi cokaya Wakantanka econ kiye ciqon hena e niye sdonyayapi.

Olianyanpi kin 7:22

Unkan Moses Egupta oyate wicokeape kin owasin onspekiyapi, qa wicoie, wicoḣan ko on waśaka.