Lukas 23:33 - Dakota Wowapi Wakan Kin

³³ Unkan tukten Wicapahu eciyapi kin wanna ehan ipi qehan, hen icipaweḣ okatanpi, qa nakun wicoḣan śica econpi qon hena, unma iye etapa eciyatanhan, qa unma kin iś catka tanhan.

Lukas 23:33 Iomraidhean Croise

Mattheos 20:19

Qa iḣaḣapi kta, kapsinpsintapi kta, qa icipaweḣ okatanpi kta on Ikcewicaśta iyoopta wicaqupi kta; unkan anpetu iciyamni hehan kini kta ce.

Mattheos 26:2

Anpetu nom iyohakam woacakśin kin hehantu kta sdonyayapi; hehan Wicaśta Cinhintku kin icipaweḣ okatanpi kta e wicaqupi kta.

Lukas 24:7

Wicaśta Cinhintku kin wicaśta śica napepi kin en wicaqupi kta, qa icipaweḣ okatanpi kta; tuka anpetu iyamni kinhan kini kta ce, eya ce.

Johannes 18:32

Hecen Jesus oie qon ecetu kta, token wiconṭe on ṭe kta eye ciqon he.

Johannes 3:14

Nakun ḣewoskan wanmduśka Moses wankan ehde qon he iyecen Wicaśta Cinhintku kin wankan ehdepi kta.

Olianyanpi kin 13:29

Qa on taku wowapi en kagapi qon owasin ecetuyapi qehan, can kin etanhan eyakupi, qa ohna hnakapi wan en ohnakapi.

Olianyanpi kin 2:23

He qe Wakantanka atayedan wakiconze c̣a, iye osdonye kin eciyatanhan qupi qon, he iyacupi, qa nape śikśica on icipaweḣ oyakatanpi, qa yaktepi.

Olianyanpi kin 5:30

Jesus yaktepi qa can akan otkeyayapi qon he atewicunyanpi ta Wakantankapi kin hduecetu:

Galatia 3:13

Woope woyaco kin etanhan Messiya eunhdakupi, unkiyepi on iye woyaco ikicaga. Wowapi en hecen kagapi, Tona can en otkeyapi kin hena owasin yacopi ce.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce