Lukas 23:2 - Dakota Wowapi Wakan Kin

² Hehan hinnakaha wiyaonpapi, qa heyapi; De oyate kin owicayuśice, c̣a Kesar wamnayanpi qupi kin he teḣinda iyeunyanpi; qa iye Messiya Wicaśtayatapi kin heca keic̣iya ce, eyapi.

Lukas 23:2 Iomraidhean Croise

Mattheos 17:27

Tuka śihda wicunyanpi kte śni, e heon niś mde kin ekta ye c̣a hinśkijupi wan minin iyeya wo, qa hogan tokaheya hiyu kin he icu wo; he i kin dukawa kinhan ohna kangi kagapi wan iyeyaye kta; he icu qa miye qa niye on wicaqu wo.

Mattheos 22:21

Unkan, Kesar tawa ce, eyapi. Hehan hewicakiya; Heon etanhan Kesar taku tawa kin kicu po, qa Wakantanka taku tawa kin kicu po.

Mattheos 27:11

Unkan Jesus wicaśta itancan kin itokam inajin: Qa wicaśta itancan kin wiwange c̣a heciya; Juda wicaśtayatapi kin he niye he. Unkan; Niś heha ce, Jesus eya.

Markos 12:17

Hehan Jesus waayupte c̣a; Kesar taku tawa kin kicu po; qa Wakantanka taku tawa kin kicu po, ewicakiya. Unkan heon inihanpi.

Markos 15:2

Unkan Pilate wiwanga; Juda oyate Wicaśtayatapi kin he niye he. Unkan Jesus ayupte c̣a, Niye ecen eha ce, eya.

Lukas 23:14

Wicaśta kin de oyate kin owicayuśice cin wan iyecen mayakahipi; unkan iho nitokam Iwanmdaka, tuka taku iyayaonpapi kin hena on, taku śica wicaśta kin de en takudan iyewaye śni.

Lukas 23:5

Unkan hecen iyotan wohitipike c̣a heyapi; Oyate kin owodutatonwicaya ece, qa Galile etanhan Juda makoce kin owancaya dehan oiyahdeya waonspekiya ece.

Johannes 18:29

Unkan Pilate tankata hinanpe c̣a, en wicau qa, Wicaśta kin de taku e iyayaonpapi he, ewicakiya.

Johannes 18:30

Waayuptapi qa heciyapi; Wicaśta kin de oḣan śice śni unkanś unnicahipi kte śni tuka, eyapi.

Johannes 19:12

Hetanhan Pilate kiyuśkapi akita. Tuka, Wicaśta kin de yakiduśke cinhan Kesar takuyaye śni; tuwe wicaśtayatapi ic̣icage cinhan Kesar i en hiyeya ece, Juda oyate kin panyehan eyapi.

Olianyanpi kin 24:13

Qa nakaha taku iyamaonpapi kin hena yasutapi kta e okihipi śni.

Olianyanpi kin 24:5

Wicaśta kin de makośice, qa maka kin owancaya Juda oyate cante okic̣uninwicaye cin, qa yuomdecapi wan Nazareth etanhanpi, ewicakiyapi kin he en mdetahunkapi kin he wanji dee e iyeunyanpi ce.

Roma 13:7

Heon etanhan, owasin taku token wicaqupi kta iyecece cin wicaqu po: Tona iye taoyate kin etanhan mazaska mnayanpi kin he ecen wicaqu po; qa tona oyate tokeca etanhan mnayanpi kin he nakun ecen wicaqu po. Tona kinihanpi kte cin hena wicakinihan po, qa tona yuonihanpi kte cin hena wicayuonihan po.