Lukas 23:11 - Dakota Wowapi Wakan Kin

¹¹ Unkan Herod ozuye wicaśta wicayuhe cin om takuda śni, qa iḣaha kuwa, qa śina wan ayucopi in kiye, c̣a ake Pilate ekta iyayeya.

Lukas 23:11 Iomraidhean Croise

Mattheos 14:1

Unkan anpetu kin hena en Herod wicaśtayatapi kin Jesus oyakapi kin he naḣon;

Mattheos 14:3

Herod Johannes yuze c̣a kaśka, qa conkaśke en ehnaka, Herodias iye sunkaku Philip tawicu qon heon.

Mattheos 14:6

Tuka Herod anpetu en tonpi qon he ake hiyohipi, hehan Herodias cunwintku kin wicacokaya waci, qa Herod iyokipiya.

Markos 9:12

Unkan awicayupte c̣a heya; Awicakehan Elias tokaheya hi kta, qa taku owasin yuecetu kta; qa Wicaśta Cinhintku kin token taku ota kakije kta, qa ḣeyata iyeyapi kta e wowapi en kagapi qon, he nakun owicakiyaka.

Lukas 23:10

Unkan wawayuśna itancanpi, qa wowapi kagapi kin, hena inajinpi, qa wohitiya wiyaonpapi.

Johannes 19:5

Hehan Jesus wapepeka wapaha kin un, qa śina to kin in, tankata inanpa. Unkan, Wanyaka po, wicaśta kin dee ce, ewicakiya.

Jakob 2:2

Nitomniciyepi kin en, wicaśta wan mazaskazi napcupe yuhe c̣a wokoyake waśte kic̣un kin en hi kinhan; qa nakun wicaśta waḣpanica wan heyake śica un kin en hi kinhan;

Jakob 2:3

Qa tuwe wokoyake waśte kic̣un kin he tanyan ayatonwanpi, qa heyakiyapi, Oiyotanke waśte kin de en hiyotanka wo; qa wicaśta waḣpanica qon, Hen najin wo, qa iś, siha wahde kin ihukuya hiyotanka wo, eyakiyapi kinhan;