Lukas 22:70 - Dakota Wowapi Wakan Kin

⁷⁰ Unkan owasin heyapi; Hecen Wakantanka Cinhintku kin he niye he. Unkan, He miye kehapi ce, ewicakiya.

Lukas 22:70 Iomraidhean Croise

Mattheos 26:25

Unkan Judas wiyopeye kte cin he ayupte c̣a; Itancan, he miye he, eya. Unkan, Niye heha ce, eciya.

Mattheos 26:64

Unkan Jesus heciya; Niye ecen eha; tuka nakun heciciyapi; Tokata ekta Wicaśta Cinhintku kin wowaśake etapa eciyatanhan iyotanka qa maḣpiya śapa akan u wandakapi kta.

Mattheos 27:11

Unkan Jesus wicaśta itancan kin itokam inajin: Qa wicaśta itancan kin wiwange c̣a heciya; Juda wicaśtayatapi kin he niye he. Unkan; Niś heha ce, Jesus eya.

Mattheos 27:43

Wakantanka wacinkiye ciqon; tawa kta hecinhan wanna ehdaku kta; Wakantanka Cinhintku kin he miye ce, eye ciqon.

Mattheos 27:54

Unkan akicita tancan qa tona om Jesus awanyake cin hena maka kin śkanśkan qa taku econpi ko wanyakapi qehan, nina yuśinyayapi, qa, Awicakehan Wakantanka Cinhintku kin he dee tuka ce, eyapi.

Mattheos 3:17

Unkan iho, maḣpiya eciyatanhan wicaho wan heya; Micinkśi waśte wakidake cin he dee, on iyomakipi ḣinca ce.

Mattheos 4:3

Unkan wawiyutanyan kin en hi qa heciya; Wakantanka Cinhintku kin he niye hecinhan, inyan kin dena aguyapi icage kta keya wo.

Markos 14:62

Unkan Jesus heya; He miye; qa Wicaśta Cinhintku kin wowaśake etapa eciyatanhan iyotanke c̣a, maḣpiya śapa akan u wandakapi kta ce.

Markos 15:2

Unkan Pilate wiwanga; Juda oyate Wicaśtayatapi kin he niye he. Unkan Jesus ayupte c̣a, Niye ecen eha ce, eya.

Lukas 22:71

Unkan heyapi; Iye i kin eciyatanhan unkiyepi ḣinca wanna naunḣonpi ce; hecen tokeca ecin sanpa wayaotaninpi unkodepi kta he.

Lukas 23:3

Unkan Pilate wiwange c̣a heya; Juda Wicaśtayatapi kin he niye he. Unkan ayupte, c̣a, Niye ecen eha ce, eya.

Lukas 4:41

Qa wakan śica iś eya ota wicota etanhan hinanpapi, qa heya niyanpi; Wakantanka Cinhintku Messiya kin he niye ce. Unkan iye wicakiśice c̣a, Messiya hee sdonyapi kin he, eyapi kta iyowicaki śni.

Johannes 1:34

He wanmdaka e on mdaotanin; Wakantanka Cinhintku kin hee.

Johannes 1:49

Nathanael ayupte c̣a heciya; Itancan, Wakantanka Cinhintku, Israel oyate Wicaśtayatapi kin he niye.

Johannes 10:30

Miye, qa Atewaye cin unwanjipidan, eya.

Johannes 10:36

Hecen tuwe Ateyapi kin hdnwakan qa makata u śi kin he, Wakantanka Cinhintku kin he miye ce, epe ciqon, heon, Taku śica eha ce, token eyakiyapi kta he.

Johannes 18:37

Hehan Pilate heciya; Wicaśtayatapi kin henica he. Unkan Jesus ayupte; Wicaśtayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin naḣon ece.

Johannes 19:7

Wowakiconze wan unhapi, wowakiconze unhapi kin eciyatanhan ṭe kta iyececa, Wakantanka Cinhintku keic̣iye cin heon etanhan, Juda oyate kin eya ayuptapi.