Lukas 22:42 - Dakota Wowapi Wakan Kin

⁴² Qa heya; Ate hecen nitawacin kinhan, miniyatkan kin de tokan imiciyaye kta; tuka miye mitawacin kin hee śni, niye nitawacin kin hee ecen econpi nunwe.

Lukas 22:42 Iomraidhean Croise

Mattheos 11:25

Anpetu kin hena en Jesus waayupte c̣a heya; Ate, maḣpiya maka ko Itancan kin, ciyatan, dena taku kin tona ksapapi qa wasdonyapi kin anawicayakiḣbe c̣a hokśiyoqopapi owicayakidaka ece.

Mattheos 11:26

Han, Ate hecetu, hecen iyonicipi nakaeś.

Mattheos 20:22

Tuka Jesus waayupte c̣a heya; Taku yadapi kin sdonyakiyapi śni. Wiyutke etanhan mdatke kte cin he etanhan yatkan oyakihipi he; qa baptem maqupi kte cin he niś eya nic̣upi kta oyakihipi he. Unkan, Unkokihipi ce, eciyapi.

Mattheos 26:39

Unkan hetanhan kitan ecinyan iyoopte iyaye c̣a makata eḣpeic̣iya, cekiye c̣a heya; Ate, okihipica kinhan, wiyatke kin de tokan imiciyaye kta; tuka miye wacin kin hee śni, niye token yacin kin hee ecetu kte.

Mattheos 26:42

Ake inonpa ekta iyaye c̣a cekiye c̣a heya; Ate, wiyatke kin de mdatke śni tokan imiciyaye kta okihipica śni kinhan, nitawacin ecen econpi nunwe.

Mattheos 26:44

Unkan eḣpewicaye c̣a ake iyaye c̣a iyamni cekiya, oie un qon hena ake ohna ecen eya.

Mattheos 6:10

Nitokiconze u kte; Nitawacin ecen econpi nunwe, maḣpiya kin en iyececa, nakun makaakan:

Markos 14:36

Unkan heya; Abba, Ate, niye ekta taku owasin okihipica; wiyatke kin de emiciyaku wo; tuka miś taku wacin kin hee kte śni, taku yacin kin he hecetu kta.

Lukas 23:34

Hehan Jesus heya; Ate, wicakicicajuju wo; taku tokonpi kin sdonkiyapi śni ce. Unkan tawokoyake kin kicipamnipi, qa oeconna econpi.

Johannes 18:11

Hehan Jesus Inyan heciya; Mazasagye nitawa ojuha en iyekiya wo. Wiyatke Ate maqu kin he mdatke kte śni he.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 5:30

Miye cinka taku ecamon owakitpani; taku mdaco kin hena taku nawaḣon kin heoiya tanhan; qa taku mdaco kin hena hecetu. Miye mitawacin he owakide śni, tuwe u maśi kin he tawacin owade.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Olianyanpi kin 21:14

Unkan wicada śni qehan, unkayaśtanpi qa, Itancan tawacin kin ecen econpi nunwe, unkeyapi.