Lukas 22:30 - Dakota Wowapi Wakan Kin

³⁰ Qa hecen wokiconze mitawa kin en, wahna wotapi mitawa kin ekta wayatapi, qa wadatkanpi kta; qa wicaśtayatapi oyanke kin heca akan idotankapi kta, qa Israel wicoun akenonpapi kin wicadacopi kta ce.

Lukas 22:30 Iomraidhean Croise

Mattheos 19:28

Unkan Jesus hewicakiya; Awicakehan heciciyapi; Niyepi tona teca ni en wicatonpi kin de en omayapapi kin, tohan Wicaśta Cinhintku kin wowitan oiyotanke tawa kin en kiyotanke cinhan, niś eya oiyotanke akenonpa akan idotankapi kta, qa Israel wicoun akenonpa wicadacopi kta ce.

Mattheos 5:3

Tona cante mahen onśiic̣idapi kin hena wicayawaśtepi ce; maḣpiya wokiconze kin he tawapi ece.

Mattheos 8:11

Nakun heciciyapi; Wiyohiyanpa tanhan qa wiyoḣpeya tanhan wicota upi kta, qa Abraham qa Isaak qa Jakob om iyotankapi kta, maḣpiya wokiconze kin en:

Lukas 12:37

Wicayuhe cin hdi kinhan, ookiye kin tona wakta unpi iyewicakiye cin, hena wicayawaśtepi; awicakehan heciciyapi ce, Wicayuhe cin iye ipiyagkiton, qa ookiye kin hena wote kta iyotangwicakiye, c̣a u, qa owicakiye kta ce.

Lukas 14:15

Unkan opeya wota yankapi kin etanhan wanji hena hecen eya naḣon qehan, heciya; Wakankanka tokiconze kin en tuwe aguyapi yute kta hecinhan hee yawaśtepi ce.

II. Timotheos 2:12

Iye on unkakijapi kinhan, kici wicaśtayatapi unyakonpi kta. Qa unkiye eḣpeunyanpi kinhan, iś eya eḣpeunyanpi kta.

Jakob 1:1

Jakob, Wakantanka taokiye, qa Jesus Messiya Itancan tawa kin he, wicowazi akenonpapi enanakiya eyaye cin hena wowapi wicakicaga; wookiye.

Wayuotanin 19:9

Hehan hacen emakiya, Kaken wowapi kaga wo, Tona Amnos kin winoḣinca yuze kta omniciye kin en wicakicopi kin hena wicayawaśtepi ce. Hehan ake hecen emakiya, Wakantanka oie wicake cin hena ee.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.

Wayuotanin 4:4

Qa oiyotanke kin ihdukśan oyanke wikcemna nonpa sam topa wanka; qa oyanke kin hena en hunkawicayapi wikcemna nonpa sam topa iyotankapi, qa wokoyake ska koyakapi e wanmdaka; qa pa kin en mazaskazi teśdakapi.