Lukas 22:19 - Dakota Wowapi Wakan Kin

¹⁹ Unkan aguyapi kin icu, qa wopida eye, c̣a yuśpaśpa, qa wicaqu, qa heya; Mitancan niyepi on qupi kin he dee ce; decen miksuya econ po.

Lukas 22:19 Iomraidhean Croise

Mattheos 14:19

Unkan oyate kin wato en iyotanke wicaśi, qa aguyapi zaptan qa hogan nonpa nakun icu, qa maḣpiya ekta etonwan, hehan yawaśte, qa yuśpaśpa qa waonspewicakiye cin wicaqu, unkan waonspewicakiye cin iś oyate kin wicaqupi.

Mattheos 15:36

Qa aguyapi śakowin icu, hogan kin hena nakun, qa yawaśte, hehan kiyuśpaśpa qa waonspewicakiye cin wicaqu; unkan waonspewicakiye cin oyate kin wicaqupi.

Lukas 22:17

Unkan miniyatkan kin he icu, qa wopida eye c̣a heya; De icupi qa kicipamni po:

Lukas 22:20

Unkan miniyatkan kin iś eya wotapi iyohakamya wicaqu, qa heya; Mawe niyepi kin on papsonpi kin, en okodakiciye teca kin, miniyatkan kin he dee ce.

Lukas 24:30

Unkan om wota yanke c̣ehan, aguyapi eyaku, qa yawaśte, qa yuśpaśpa, qa wicaqu.

Johannes 6:23

Tuka Jesus aguyapi yawakan qa yutapi qon he en ikiyadan Tiberias eciyatanhan wata toktokeca en hipi.

Johannes 6:51

Aguyapi ni un kin he miye, maḣpiya eciyatanhan wahi; tuwe etanhan yute cinhan owihanke wanin ni kta. Aguyapi wicawaqu kte cin he miceḣpi kin ee, he oyate wicani kta e wicawaqu ce, eya.

I. Korinth 10:16

Woyawaśte wiyatke unyawaśtepi kin he Messiya we kin en kodakiciyapi kin hee śni he. Aguyapi unkiyuśpapi kin he Messiya tancan kin en kodakiciyapi kin hee śni he.

I. Korinth 10:4

Qa owasin woyatke wakan wanjidan etanhan yatkanpi. Imnija wakan kin wicihakam iyaye ciqon he etanhan yatkanpi. Imnija kin he Messiya hee.

Galatia 1:4

He iye waunḣtanipi kin on ic̣ic̣u, wicoicage śice cin de etanhan eunhdakupi kta, Wakantanka Ateunyanpi tawacin kin eciyatanhan:

Galatia 4:25

Qa Hagar he Arabia ekta Sina ḣe kin hee, qa Jerusalem wanna he cin kici akidecen un, qa cinca kici wowidake un.

Ephesos 5:2

Qa wacantkiyapi kin en mani po; Messiya canteunkiyapi, qa unkiyepi on Wakantanka en ic̣ic̣u, qa waihduśna, woomna iyokipi kin he iyececa.

I. Thessalonike 5:18

Taku owasin on wopida eya po. He niyepi on Jesus Messiya en Wakantanka tawacin kin hee.

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce