Lukas 21:36 - Dakota Wowapi Wakan Kin

³⁶ Heon ohinniyan wakta po, qa cekiya po; hecen taku hiyohi kte cin dena owasin icunom idadapi, qa Wicaśta Cinhintku kin itokam nayajinpi kta iyececa niyawapi kta ce.

Lukas 21:36 Iomraidhean Croise

Mattheos 24:42

Heon etanhan waktaya un po, wihiyayedan oape tukte en Itancan nitawapi u kta sdonyayapi śni.

Mattheos 24:43

Tuka de sdonya po; wicaśta tipi tawa kin wamanon sa tohan hi kta sdonya unkanś, kikta un qa tipi tawa yuḣdokapi kta iyowinwicakiye kte śni tuka.

Mattheos 24:44

Heon etanhan niś eya wiyeya un po; Wicaśta Cinhintku kin wihiyayedan oape tukte wanji en hi kta, he sdonyayapi śni.

Mattheos 25:13

Heon etanhan kiktahan un po, anpetu qa wihiyayedan oape kin tukte wanji en, Wicaśta Cinhintku kin hi kte cin he sdonyayapi śni.

Mattheos 26:41

Kiktahan unpi qa cekiya po, okinni taku wawiyutanyan un kin en idadapi nun ce. Wicanagi kin he wicada, tuka wicaceḣpi kin waśake śni.

Mattheos 8:20

Unkan Jesus heciya; Śungidan waśun tonpi, qa maḣpiya okinyanpi kin hoḣpi yuhapi ece; tuka Wicaśta Cinhintku kin tukten pa ipahinye kta yuhe śni.

Markos 13:33

Iwanihdaka po, wakta unpi qa cekiya po; tohan iyehantu kte cin sdonyayapi śni nakaeś.

Markos 13:37

Unkan taku eciciyapi kin he owasin ewicawakiya ece, Waktaya un po.

Lukas 1:19

Unkan ohnihde wakan kin waayupte c̣a heciya; Gabriel, Wakantanka itokam najin kin he miye; qa ociciye c̣a, wotanin waśte kin de sdonyeciciye kta e u maśipi.

Lukas 18:1

Unkan wicaśta kin ohinnian wocekiye eyapi kta, qa iyakicunnipi kte śni e on wiyacinpi wan owicakiyaka;

Lukas 20:35

Tuka tona rnakoce kin he en opapi kte cin, qa wicaṭe cin etanhan kinipi kta iyececa wicadakapi kin hena tawicu tonpi śni, qa hihnatonpi śni ece.

Lukas 21:35

Maka ite kin akan yakonpi kin owaain wohmuke wan iyecen wicahiyohi kta ce.

Olianyanpi kin 10:2

Wicaśta wakinihan, qa Wakantanka kokipeyahan un, tiyohnaka kici; qa oyate kin nina cantewicakiya, qa ohinniyan Wakantanka cekiya un ece.

I. Korinth 16:13

Kiktahan un po, wowacinye en sutaya han po, wicaśta iyecen oḣanyan po, waśaka po.

II. Korinth 4:14

Qa tuwe Jesus Itancan kin piya ekicetu ye ciqon, he Jesus eciyatanhan, ake ekicetu unyanpi kta, qa niyepi kin om sutaya he unkiyapi kta e sdonunyanpi.

Kolosse 4:2

Ohinniyan cekiya un po, qa he en wopida eya wakta po.

I. Thessalonike 5:17

Ayaśtan śni cekiya po.

II. Timotheos 4:5

Tuka niye q̇e taku owasin en wakta yaun kta, wicokakije en waditaka wo; wotanin waśte oyakapi wicoḣan kin ecen econ wo; wicoḣan duhe cin he hduśtan wo.

I. Inyan 4:7

Tuka taku owasin ecadan owihanke kta. Heon etanhan wacinksapa po, qa wocekiye on waktaya un po.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

I. Johannes 2:28

Unkan dehan, hokśiyopa cikcistinpidan, iye kici un po; hecen tohan iye ihdutanin kinhan wacinunyanpi kta, qa taninyan hinajin kinhan, itokam unkiśtecapi kte śni.

Judas 1:24

Unkan tuwe woaḣtani econ śni niyuhapi kta okihi, qa wowiyuśkin yuha iye towitan kin en iyaonpepica śni enihdepi kte cin,

Wayuotanin 11:4

Hena e Oliwe can nonpa qa petijanjan nom, Wakantanka maka yuhe cin itokam he cin hena eepi.

Wayuotanin 6:17

He wośihda tawa anpetu tanka kin wanna hi; unkan tuwe najin okihi kta he.

Wayuotanin 7:9

Hena taku kin iyohakam wanmdake c̣a, iho, wicota ḣinca, wicayawa kta tuwedan okihi śni, oyate hiyeye cin, qa wicoun kin, wicowazi kin, iapi ko owasin otoiyohi etanhanpi, oiyotanke kin itokam, qa Amnos kin itokam najinpi, wokoyake ska ece koyakapi, qa can wapa nape ohna yuhapi;

Wayuotanin 8:2

Unkan maḣpiya ohnihde śakowin Wakantanka itokam najinpi kin wanwicamdaka; qa maza yahotonpi tanka śakowin wicaqupi.