Lukas 21:19 - Dakota Wowapi Wakan Kin

¹⁹ Wacinnitankapi kin on nicantepi kin hduha po.

Lukas 21:19 Iomraidhean Croise

Mattheos 10:22

Qa micaje on owasin śicenidapi kta; tuka tuwe owihanke kin hehanyan sutaya un kinhan he ni kta.

Mattheos 24:13

Tuka tuwe owihanke hehanyan najin kinhan he ni kta.

Lukas 8:15

Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Roma 15:4

Taku tona wowapi en kagapi kin hena onspeunkiyapi kte cin heon kagapi, hecen wicowaḣbadan, qa wowapi wakan kin en wicakicanpte cin eciyatanhan woape unhapi kta.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

Roma 5:3

Qa hecedaii śni, nakun wokakije on unkiyuśkinpi ece; wokakije kin he wacin tankapi kaga e sdonunyanpi;

Roma 5:4

Qa wacin tankapi kin he wiyukcanpi, qa wiyukcanpi kin he woape;

Roma 8:25

Tuka taku wanunyakapi śni kin he unkapepi hecinhan, hehan wacintankapi on unkicupi kta e ape unyakonpi ece.

I. Thessalonike 1:3

Qa wowacinye wicoḣan nitawapi kin, qa wacantkiyapi en ḣtayanipi kin, qa Wakantanka Ateunyanpi kin itokam, Jesus Messiya Itancan unkiyapi kin en ape dukanpi kin hena ohinniyan unkiksuyapi.

II. Thessalonike 3:5

Qa Itancan kin nicantepi kin Wakantanka waśtedakapi, qa Messiya wacintanka kin he en ope niyanpi nunwe.

Hebrew 10:36

Wacinnitankapi kta iyececa; hecen Wakantanka tawacin kin ecen ecanonpi kinhan, taku iwahounyanpi kin he iyacupi kta.

Hebrew 6:11

Unkan niyepi otoiyohi owihanketa, woape woyuśtan kte cin hehanyan iyecen amnihenic̣iyapi kta uncinpi.

Hebrew 6:15

Unkan waḣbayedan ape yanke cin he iyohakam taku iwahoyapi qon ekicicetu.

Jakob 1:3

Wacinyayapi iyutanpi kin he wacintankapi kaga e sdonyayapi.

Jakob 1:4

Tuka wacintankapi kin he toḣan kin tanyan hduśtan kte; hecen niyuśtanpi qa ocowasin yaunpi kta, qa takudan iyonitpanipi kte śni.

II. Inyan 1:6

Qa wosdonye kin en iyatahdeic̣iyapi śni; qa iyatahdeic̣iyapi śni kin en wacintankapi; qa wacintankapi kin en taku wakan iyececapi;

Wayuotanin 1:9

Johannes hunkawanjinyayapi, wokakije, qa wokiconze, wowaḣbadan ko, Jesus Messiya tawa kin en, tawaśi yayapi kin he miye; Wakantanka oie qa Jesus Messiya wohdake cin on etanhan, wita wan, Patmos eciyapi, hen waun.

Wayuotanin 13:10

Tuwe wayaka awicahdi kinhan he wayaka ayapi kta, qa tuwe maza sagye en wicakte kin he maza sagye on ktepi kta ce. He en wicaśta owotanna apepi qa wacinyanpi kin tanin.

Wayuotanin 14:12

Wicaśta owotanna apepi kin he de en un, qa tona Wakantanka tawoahope opapi qa Jesus wacinyanpi kin hena.

Wayuotanin 3:10

Woape oie mitawa kin he awandake cin, heon tohan taku wawiyutanyan un kin tona maka owancaya unpi kin iyutanwicaye kta u kinhan, hehan awanciyake kta.