Lukas 20:34 - Dakota Wowapi Wakan Kin

³⁴ Unkan Jesus waayupte, c̣a hewicakiya; Maka kin de cinca kin tawicutonpi, qa hihnatonpi:

Lukas 20:34 Iomraidhean Croise

Mattheos 12:32

Qa tuwe Wicaśta Cinhintku kin taku śica eciye cinhan, he kicicajujupi kta; tuka tuwe Woniya Wakan kin taku śica eciye cinhan, he kicicajujupi kte śni, wiconi kin de en, qa nakun wiconi u kte cin en.

Lukas 16:8

Unkan yuhe cin waawanyake owotanna śni kin yaonihan, okiksamya econ kin heon etanhan: maka kin de cincapi kin iwicacage cin en iyoyanpa cinca kin isanpa ksapapi ece.

Lukas 17:27

Nowa wata kin en okipe ciqon anpetu kin hehanyan wotapi, qa wayatkanpi, tawicutonpi, qa hihnatonpi ece; unkan minitan u, qa owasin owihankewicaya.

Lukas 20:33

Iho, hecen wicakini kte cin ekta śakowin hduzapi qon, hena tukte wanji tawapi kta he, eyapi.

Ephesos 5:31

Heon etanhan wicaśta kin, atkuku, hunku ko eḣpewicakiye c̣a, tawicu kin en iyaihdaśke kta, qa heniyos wicaceḣpi wanjidan kta.

Hebrew 13:4

Owasin en wakan kiciyuzapi kin he woyuonihan, qa ohehdepi aśamyapi śni kin; tuka wicawihomnipi qa wawiciḣaḣapi econpi kin hena Wakantanka wicayaco kta.