Lukas 2:49 - Dakota Wowapi Wakan Kin

⁴⁹ Unkan hewicakiya; Tokeca omayadepi he: Atewaye cin wicoḣan tawa kin he ito owecipe kta kecannipi śni he.

Lukas 2:49 Iomraidhean Croise

Mattheos 21:12

Unkan Jesus tipi wakan Wakantanka tawa kin en i, qa tipi wakan ohna wiyopeyapi ece, wopetonpi ko, hena tankan iyewicaya; qa mazaska tokiyopeyapi ahna econpi kin hena yuahdapśinyan eḣpeya, tona wakiyedan wiyopeyapi oiyotanke tawapi koya;

Lukas 2:48

Unkan wanhdakapi qehan yuśinyayapi; qa hunku kin heciya; Cinś, tokeca decen unkoyakiḣandapi he; iho we, niyate kici wacin iyokiśinya ocide ce.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 5:17

Unkan, Ate nahaḣin ḣtani he etanhan miśeya ḣtawani, Jesus ewicakiya.

Johannes 5:36

Tuka Johannes sam iyeya tanka wayaotanin mduha; wicoḣan ecamon kta Ate maqu qon hena e ecamon ece; Ate umaśi e yuotanin kin hena ee.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Johannes 8:29

Tuwe u maśi kin he mici un; Ate miśnana amahduśtan śni; taku iyokipi ecen ecamon ece, heon etanhan, eya.

Johannes 9:4

Anpetu icunhan, tuwe u maśi wicoḣan tawa kin ecen ecamon kta iyececa; hanyetu kin he hi kta, he en tuwedan wicoḣan econ okihi kte śni.