Lukas 2:47 - Dakota Wowapi Wakan Kin

⁴⁷ Unkan wacin ksape cin, qa waayupte cin tona naḣonpi qon owasin inihanpi.

Lukas 2:47 Iomraidhean Croise

Mattheos 13:54

Qa iye tamakoce kin en ki qehan, omniciye tipi yuhapi kin ohna waonspewicakiya; hecen yuśinyayapi qa heyapi; Woksape kin de, qa wicoḣan tanka, wicaśta kin de tokiyatanhan yuha he.

Mattheos 22:33

Unkan oyate kin hena naḣonpi hehan taku onspewicakiye cin on yuśinyayapi.

Mattheos 7:28

Unkan Jesus wicoie kin dena ihunnikiya, hehan wicota wahokonwicakiye cin on yuśinyayapi.

Markos 1:22

Unkan taku oyake cin on yuśinyayapi; wicaśta itancanyan waonspewicakiya, qa wowapi kagapi kin iyecece śni.

Markos 11:18

Wośnapi kagapi qa wowapi kagapi kin he naḣonpi, unkan token ihangyapi kta akitapi; kokipapi, wicaśta owasin tawoonspe kin on yuśinyayapi nakaeś.

Markos 6:2

Unkan wanna anpetu wakan hehan omniciye tipi kin ohna waonspewicakiya. Qa wicota naḣonpi qehan yuśinyayapi qa heyapi; Tokiyatanhan dena yuha he; qa taku woksape qupi he; qa token iye nape on wicoḣan tanka dececa econpi he.

Lukas 2:18

Unkan taḣincaska awanwicayakapi taku yaotaninpi kin he tona naḣonpi kin owasin yuśinyayapi.

Lukas 2:46

Unkan yamni can, hehan tipi wakan kin en waonspekiyapi kin wicacokam waanawicagoptan, qa wiwicawanḣ yanka iyekiyapi.

Lukas 4:22

Unkan owasin yaotaninpi, qa wowaonśida oie iye i kin etanhan inanpe cin on yuśinyayapi; qa heyapi; Joseph cinhintku kin he dee śni he.

Lukas 4:32

Unkan waonspewicakiye cin on inihanpi; oie kin he wowaśake kicica nakaeś.

Johannes 7:15

Unkan Juda oyate kin inihanpi qa heyapi; Wicaśta kin de tokiya tanhan wowapi kin onspe he; tohinni onspekiyapi śni qon.

Johannes 7:46

Akicita kin awicayuptapi; Wicaśta kin tuwedan tohinni wicaśta kin de iyecen oie ye śni ce, eyapi.