Lukas 2:11 - Dakota Wowapi Wakan Kin

¹¹ Anpe dehan Dawid totonwe kin en Wanikiya wan nicitonpi, Messiya Itancan kin he hee.

Lukas 2:11 Iomraidhean Croise

Mattheos 1:16

Unkan Jakob Joseph, Mary hihnaku kin, he cincaya; he etanhan Jesus Messiya eciyapi kin icaga.

Mattheos 1:21

He cinca ton kta, unkan Jesus eya caśyaton kta; iye taoyate kin waḣtanipi kin etanhan niwicaye kta, heon etanhan.

Mattheos 16:16

Unkan Simon Inyan ayupte c̣a; Messiya Wakantanka ni un Cinhintku kin he niye, eya

Mattheos 16:20

Hehan waonspewicakiye cin Jesus Messiya kin he iye, he tuwedan okiyake śni wicaśi.

Lukas 1:43

Qa Itancan mitawa hunku kin ekta mahi kte cin de token kapi he.

Lukas 1:69

Taokiye Dawid ti kin en wanikiyapi he wan yuwankan eunkicihdepi ce:

Lukas 2:26

Unkan he ṭe śni itokam Itancan Messiya tawa kin he wanyake kta, Woniya Wakan kin okiyaka.

Lukas 2:4

Unkan Joseph, Dawid ti qa wicowazi tawa kin hetanhan, heon iś eya, Galile en Nazareth otonwe kin etanhan ye c̣a, Bethlehem Dawid totonwe kin ekta ki;

Johannes 1:41

He cincu Simon tokaheya iyeye c̣a heciya; Messiya, he Sdayapi eyapi kin, iyeunyanpi ce:

Johannes 1:45

Philip Nathanael akipa, qa heciya; Moses woope en owa qon, qa wicaśta wokcanpi kin nakun, he wanna iyeunyanpi, Jesus Nazareth etanhan, Joseph cinhintku kin hee.

Johannes 11:27

Han, Itancan; Messiya Wakantanka Cinhintku makata hi kte ciqon he niye e wicawada ce, eciya.

Johannes 20:31

Tuka dena e owapi, heon Jesus he Messiya Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

Johannes 4:25

Hehan winoḣinca kin heciya; Messiya Sdayapi eyapi kin hi kta, tohan hi kinhan taku kin owasin unkokiyakapi kta e sdonwaya.

Johannes 4:42

Qa, Taku odake cin he etanhan wicaundapi kin hee śni, unkiś eya naunḣonpi, Messiya hee qa oyate wanikiye kte cin hee e sdonunyanpi, winoḣinca kin eciyapi.

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Johannes 7:41

Toktokeca iś, Messiya kin he dee ce, eyapi. Tuka apa iś, Messiya Galile etanhan u kta he, eyapi.

Olianyanpi kin 10:36

Jesus Messiya kin, owasin en Itancan kin hee, he eciyatanhan wicoie Israel cinca kin wookiye iwahowicayapi qon.

Olianyanpi kin 13:23

Wakantanka token eye cion he eciyatanhan, wicaśta kin e cinca kin etanhan, Jesus Wanikiya kin, Israel oyate kin icaḣwicakiciciya.

Olianyanpi kin 17:3

Ie c̣a Messiya ṭe kte c̣a, wiconṭe kin etanhan najin kta e hecetu e yaotanin, qa, Jesus ociciyakapi kin he Messiya kin ee ce, eya.

Olianyanpi kin 2:36

Heon etanhan, Israel tiyohnaka owasin, de tanyan sdonya wo, Jesus icipaweḣ oyakatanpi qon, hee Wakantanka Itancan qa Messiya kaga ce.

Olianyanpi kin 5:31

Hee kin Wakantanka wankan ehdaku, iye nape etapa kin ekta Itancan qa Wanikiya un kta, Israel ihduecetupi qa woaḣtani kajujupi kin wicaqu kta e heon.

I. Korinth 15:47

Wicaśta tokaheya kin he maka etanhan un, qa maka kin heca; Wicaśta iyokihe kin he Itancan maḣpiya eciyatanhan un kin hee.

Philippi 2:11

Qa Wakantanka Ateyapi kin yatanpi kte cin on, Jesus Messiya he Itancan kin ee ce; wicaceji owasin eya oyakapi kta.

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

Kolosse 2:6

Token Jesus Messiya Itancan kin iyacupi qon he iyecen ohna mani po.

I. Johannes 4:14

Unkan wanunyakapi, qa Ateyapi kin Cinhintku ukiya, wicoicage kin ekta, Wanikiya hee kta e he unyaotaninpi.

I. Johannes 5:1

Tuwe Jesus he Messiya kin ee e wicada kin he Wakantanka eciyatanhan tonpi; qa tuwe waicaḣye cin waśtedake cinhan, he tuwe iye eciyatanhan teca ni en tonpi kin he nakun waśtedaka ece.