Lukas 2:10 - Dakota Wowapi Wakan Kin

¹⁰ Unkan ohnihde wakan kin hewicakiya; Wikopapi śni po; iho, wopida tanka wootanin waśte oyate kin owancaya ecen ye kte cin, he eca hośi cicahipi ce.

Lukas 2:10 Iomraidhean Croise

Mattheos 14:27

Tuka Jesus kohanna owicakiye c̣a heya; Cante waśte po; de miye ce; kopehdapi śni po.

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Mattheos 28:5

Unkan maḣpiya ohnihde kin he waayupte c̣a winoḣinca kin hewicakiya; Niye kokipapi śni po; Jesus icipaweḣ okatanpi qon he oyadepi sdonwaya:

Markos 1:15

Qa heya; Wanna iyehantu, Wakantanka tokiconze kin kiyedan un; iyopeic̣iya po, qa wotanin waśte kin wicada po.

Markos 16:15

Unkan hewicakiya; Maka kin owancaya ya po, qa wicaśta otoiyohi wotanin waśte kin owicakiyaka po.

Lukas 1:13

Tuka ohnihde wakan kin heciya; Wakokipe śni wo, Zacariyas; wocekiye nitawa kin naḣonpi; qa nitawin Elisabeth hokśidan wan niciyuhe kta, unkan he Johannes eya caśyakiton kta.

Lukas 1:19

Unkan ohnihde wakan kin waayupte c̣a heciya; Gabriel, Wakantanka itokam najin kin he miye; qa ociciye c̣a, wotanin waśte kin de sdonyeciciye kta e u maśipi.

Lukas 1:30

Unkan ohnihde wakan kin heciya; Mary, wikope śni wo; Wakantanka ekta wowaśte iyeyaya.

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Lukas 8:1

Unkan he iyohakam, otonwe tankinkinyan otonwe cikciqadan ko, owasin iyaza un, qa wootanin waśte Wakantanka tokiconze ahna yaotanin. Unkan akenonpapi kin kici unpi:

Olianyanpi kin 13:32

Unkan unkiye wotanin waśte unkoniciyakapi, hunkake wicunyanpi taku iwahowicaye ciqon,

Roma 10:15

Qa ekta ye wicaśipi śni kinhan token oyakapi kta he. Owapi qon he hecetu; Tona wookiye wotanin waśte kin oyakapi, qa taku waśte en wotanin waśte oyakapi kin hena sihapi kin iyotan waśte ce.

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi: