27 Tuka tokamayanpi iwicawadake kta cinpi śni qon hena den awicaupi qa mitokam wicakte po, eya ce.
Wicaśtayatapi kin he naḣon qehan nina śihda; qa taakicita ekta yewicaśi, qa tinwicaktepi kin hena ihangwicaye c̣a totonwepi kin ḣuḣnaḣya.
Tuka taoyate kin waḣtedapi śni, qa tuwe iyahna yeśipi, qa heyapi; Wicaśta kin de unkidakapi kta uncinpi śni ce.
Ito ku kta, qa maḣkicanyanpi kin hena owinankewicaye, c̣a hastanhanka iyuwi maga kin he tokan wicaqu kta ce, eya. Unkan he naḣonpi qehan, Hecetu śni ce, eyapi.
Tokic̣onpi anpetu kin hena ee; hecen taku token owapi qon hena owasin ecen yuśtanpi kta ce.
Qa mazasagye ope kin on wankahanpi kta; qa oyate kin owasin ektakta wayaka awicahdapi kta; qa Ikcewicaśta kin Jerusalem naaṭinzapi kta, ecen Ikcewicasta kin taku iyewicakicihantu kta ce.
Qa hetanhan tona toka yapi kin hena owasin iye siha kin ihukun iyewicayapi kta ape yanka.