Lukas 18:7 - Dakota Wowapi Wakan Kin

⁷ Unkan Wakantanka tona wicakaḣnige, c̣a anpetu hanyetu ko cekiyapi kin, hena tehan towicakicic̣on śni qeyaś, ocim econ kte śni he.

Lukas 18:7 Iomraidhean Croise

Mattheos 24:22

Qa anpetu kin hena yuptecedan śni kinhan, wicaśta tuwedan ni kte śni; tuka wicakahnigapi kin hena on anpetu kin hena yuptecedan kta.

Mattheos 24:24

Messiya itonśni, qa wicaśta wokcan itonśni kin heca icagapi kta, qa wowanyake tanka wicoḣan tanka ko econpi kta, hecen okihipica unkanś wicakaḣnigapi kin hena eepi kaeś wicahnayanpi kta tuka.

Mattheos 7:11

Heon etanhan niye niśicapi eśta, taku waśte nicinca wicayaqupi kta onnispepi ehantanhan, Niyatepi maḣpiya ekta un kin he, sam iyeya tona kidapi kin, taku waśteśte wicaqu ece e kta.

Lukas 11:13

Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.

Lukas 2:37

Qa he wanna wiwazica, waniyetu wikcemna śahdogan sanpa topa ecetu, qa tipi wakan kin en ece un, qa wote śni unpi wocekiye eya ahna on ohoda ece.

Lukas 21:28

Unkan dena decen aye cinhan, hehan wankan etonwanpi, qa pa yuwankan icu po; openicitonpi kin he wanna kiyadan u ce, eya.

Roma 8:33

Tona Wakantanka wicakaḣnige cin hena tuwe taku iyawicaonpe kta he. Wicayaowotanna kin he Wakantanka kin ee ce.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

I. Thessalonike 3:10

Hanyetu anpetu ko nina ceunkiyapi, nitohnake kin wanunniyakapi kta, qa wacinyayapi kin en taku nahaḣin ocowasin śni un kin he tanyan unniciyuśtanpi kta.

II. Thessalonike 1:6

Tona kakiśniyanpi kin hena itkom Wakantanka wokakije wicaqu kte cin he owotanna.

I. Timotheos 5:5

Tuwe awicakehan wiwazica un kin he iśnana eḣpeyapi un, Wakantanka wacinye c̣a ohinniyan, hanyetu anpetu ko, wocekiye eyapi, qa hoyekiyapi kin en un.

II. Timotheos 1:3

Wakantanka, mihunkake kin etanhan nagi ska hduha ohowada kin, he wopida ewakiya, anpetu, hanyetu ko wocekiye epa eca, ayaśtan śni ciksuya waun;

II. Timotheos 2:10

He etanhan tona wicakaḣnigapi qon hena on taku owasin iyowinwaya, hena e wiconi Jesus Messiya en un kin he yuhapi kta, qa nakun owihanke wanin wowitan kin.

Titos 1:1

Palos Wakantanka taokiye, qa Jesus Messiya yeśi qon, tona Wakantanka wicakaḣniga, wacinyanpi kte cin heon, qa wowicake wicoḣan waśte en un kin sdonyapi kte cin heon;

I. Inyan 1:1

Inyan, Jesus Messiya yeśi qon, wicaśta toktokeca enanakiya unpi, Pontus, Galatia, Kappadokia, Asia qa Bithunia ekta,

II. Inyan 3:9

Itancan kin taku wahowicaye cin yutehan śni, wicaśta wanjikśi yutehanpi eyapi kin iyececa; tuka unkiyepi on wawacinkta yuza tanka, tuwedan awihnuniic̣iye kte śni, tuka owasin woiyopeic̣iye en ihdoupi kta cin.

Wayuotanin 18:20

Heon, maḣpiya kin, iyuśkin wo, qa ohnihde owotanna yaunpi, qa wokcanpi kin nakun, niyepi kin on Wakantanka tokic̣on kin he etanhan.

Wayuotanin 6:10

Hena hotankakiya hotaninpi qa heyapi, Itancan wakan, qa wicaka, tohanyan tona maka kin akan yukanpi kin wicadaco śni qa we unkitawapi kin on toyec̣on śni he.

Wayuotanin 7:15

Heon etanhan Wakantanka oiyotanke kin itokam yakonpi, qa tipi wakan iye tawa kin ohna anpetu hanyetu ko ohodapi ece; qa tuwe oiyotanke kin akan kiyotanke cin he hena wicacokaya ounye kta.