Lukas 18:12 - Dakota Wowapi Wakan Kin

¹² Anpetu wakan okitahedan nonpa akiḣanmic̣iye c̣a taku mduhe cin owasin etanhan iwikcemnamna kin wicawaqu ece.

Lukas 18:12 Iomraidhean Croise

Mattheos 5:20

Miye heciciyapi ce; Wicoowotanna nitawapi kin, wowapi kagapi qa Pharisee tawapi kin isanpa tanka śni kinhan, maḣpiya wokiconze kin en ecaca oyapapi kte śni.

Mattheos 6:1

Wicaśta itokam ihnuhan taku ituyaḣanpi kinhan, wanniyakapi kta heon; hecen ecanonpi kinhan Niyatepi maḣpiya ekta un kin he takudan nic̣upi kte śni.

Mattheos 6:16

Tohan wote śni yaunpi kinhan wanaic̣iḣmanpi kin iyecen ite śinkiyapi śni po; hena eqe ite hduśicapi ece, hecen wicaśta ekta wote śni unpi e ihdutaninpi kta; awicakehan heciciyapi, Hena wokajuju hduhapi ece.

Mattheos 6:5

Qa tohan ceyakiya eca wanaic̣iḣmanpi kin iyenicece kte śni; hena eqe omniciye tipi qa canku oise kin en najin cekiyapi waśtedakapi ece, wicaśta wanwicayakapi kta e heon; awicakehan heciciyapi; Hena wokajuju hduhapi ece.

Mattheos 9:14

Hehan Johannes waonspewicakiye cin en hipi qa heciyapi; Tokeca unkiye qa nakun Pharisee kin ijehan akiḣanunkic̣iyapi, tuka waonspewicayakiye cin akiḣanic̣iyapi śni.

Lukas 11:42

Tuka Pharisee kin niyepi woteḣi niciyankapi ece; ceyakata, wacanga, waḣpe waśtemna ko owasin etanhan iwikcemnamna wicayaqupi ece; tuka wicoḣan owotanna Wakantanka waśtedakapi ko, hena acayakśinpi ece; dena e is ecen ecanonpi kta, qa unma qon oyakaptapi kte śni tuka.

Lukas 17:10

Niś eya iyecen taku token econ niśipi kin, owasin ecen duśtanpi kinhan, heya po; Ookiye wakamna śni kin heuncapi; taku econkupi kta iyecece cin heceedan econkupi ece.

Roma 3:27

Hehan ihdatanpi kin toki un he. He anaptapi. Woope kin tukte e on; wicoḣan kin hee he. Hiya, wacinyanpi woope kin hee on etanhan.

I. Korinth 1:29

Hecen iye itokam wicaceḣpi owasin ihdatan kte śni

Galatia 1:14

Qa mitaoyate kin en tona om akinimaskokeca kin hena ota Juda wicoḣan kin en kawicawape c̣a, mihunkakepi wohdakapi qon iyotan nina tewaḣinda.

Ephesos 2:9

Wicoḣan kin eciyatanhan śni, okinni tuwe ihdatan kta tuka.

I. Timotheos 4:8

Wicatancan yeic̣iyapi kin he taku cistinna okihi; tuka Wakantanka awacinpi kin he taku owasin okihi, wiconi kin de, qa wanji u kte cin iwahoyapi kin en un.