Lukas 18:11 - Dakota Wowapi Wakan Kin

¹¹ Unkan Pharisee kin iśnana najin, qa kaken wocekiye eya; Wakantanka, wicaśta tokeca iyemacece śni, wawicakipi sa, oḣan owotanpidan śni, wawiciḣaḣapi econpi sa, qa wamnaye cin dee kaeś iyemacece śni heon wopida eciciya.

Lukas 18:11 Iomraidhean Croise

Mattheos 10:3

Philip qa Bartholomew; Thomas qa Mattheos wamnaye ciqon; Jakob Alpheus cinhintku qa Lebbeus he nakun Thaddeus eciyapi;

Mattheos 5:20

Miye heciciyapi ce; Wicoowotanna nitawapi kin, wowapi kagapi qa Pharisee tawapi kin isanpa tanka śni kinhan, maḣpiya wokiconze kin en ecaca oyapapi kte śni.

Mattheos 6:5

Qa tohan ceyakiya eca wanaic̣iḣmanpi kin iyenicece kte śni; hena eqe omniciye tipi qa canku oise kin en najin cekiyapi waśtedakapi ece, wicaśta wanwicayakapi kta e heon; awicakehan heciciyapi; Hena wokajuju hduhapi ece.

Markos 11:25

Unkan cekiya nayajinpi kinhan, tuwe taku on yeksuyapi kinhan kicicajuju po; hecen Ateyayapi maḣpiya ekta yanke cin he wayaḣtanipi kin nicicajujupi kta.

Lukas 20:47

Qa wiwazica tipi tawapi kin temyapi; qa ihdutaninpi kta on wocekiye hanska eyapi ece; hena iś iyotan woyaco tanka iyahdeic̣iyapi kta ce.

Lukas 22:41

Hehan wicicunonpa inyan ekta eḣpeyapi kin hehanyan ecen i, qa canpeśka makehde inajin qa cekiya,

Galatia 3:10

Tona woope wicoḣan kin etanhanpi kin hena woyaco kin en unpi. Hecen wowapi en kagapi; Tona taku woope wowapi kin en kagapi kin owasin opeya unpi śni, qa ecen econpi śni kin hena otoiyohi wanna wicayacopi ce.

Philippi 3:6

Ohodapi kin eciyatanhan okodakiciye kin śicaya wakuwa, qa woope woowotanna kin he eciyatanhan takudan iyaonpepica śni waun.

Wayuotanin 3:17

Wimajica, qa woyuha ota waton, qa takudan imakakije śni, keha ce; qa inicakije c̣a, onniśike c̣a, niwaḣpanica, qa iśta nigonge c̣a, tanconikadan e sdonyakiye śni.