Lukas 17:6 - Dakota Wowapi Wakan Kin

⁶ Unkan Itancan kin heya; Sinape sukaza wan iyecen wacinyayapi kinhan, eukamin can kin de, Hute ihdamna qa miniwanca kin en huic̣ihde wo, eyakiyapi kta, kinhan ananigoptanpi kta tuka.

Lukas 17:6 Iomraidhean Croise

Mattheos 14:29

Unkan; U wo, eciya. Hecen Inyan wata kin etanhan kun iyaye c̣a Jesus ekta ye kta mini kin amani.

Mattheos 17:20

Unkan Jesus hewicakiya; Wacinyayapi śni heon; awicakehan heciciyapi; Sinape su wanjidan hinskokeca wacinyayapi unkanś, paha kin de, Detanhan tokan iyaya wo, eyakiapi kta; unkan tokan iyaye kta, qa taku oyakitpanipi wanice kta.

Mattheos 21:21

Jesus waayupte c̣a hewicakiya; Awicakehan heciciyapi; Wowacinye duhapi qa waceṭunyahdapi śni kinhan, taku suken can kin de ecakiconpi kin heceedan ecanonpi kte śni, tuka paha kin de, Tokan iyaye c̣a miniwanca kin en iyoḣpeniyanpi nunwe, eyakiyapi kinhan, ecetu kta.

Markos 4:31

Sinape su wan iyececa, he maka kin en eḣpeyapi, hehan taku su maka en un kin owasin he iyotan cistinna;

Markos 9:23

Jesus heciya; Wicada oyakihi kinhan; tuwe wicada kin he on taku owasin okihipica ce.

Lukas 13:19

Sinape sukaza wanji iyececa, he wicaśta wan icu, qa maga tawa kin en iyoḣpeya; unkan icage, c̣a can tanka aya; unkan maḣpiya okinyanpi kin adetka kin en iyahanpi ece.

Lukas 17:7

Tuka niyepi kin wanji tukte taokiye wan yuha, maḣyumdu qa iś wanunyanpi wiḣanwicakiya un, qa tokeśta maga kin eciyatanhan hdi kinhan, Iho wo, ye c̣a wota iyotanka wo, eciye kta he.

Lukas 19:4

Unkan tokata inyang ye c̣a sukamin can wanji adi, wanyake kta e heon, hen hiyaye kta nakaes.

Lukas 7:13

Unkan he Itancan kin wanyake c̣ehan, onśida qa heciya; Ceye śni wo.

Lukas 7:19

Hehan Johannes waonspewicakiye cin nom wicakico, qa Jesus ekta ye wicaśi, qa heya; Tuwe u kte ciqon he niye, qa iś wanji tokeca unkapepi kta he.

I. Korinth 13:2

Qa wowiyukcan mduhe c̣a, taku anaḣbeya un kin owasin, wookaḣnige owasin ko, sdonwaye c̣a, wowacinye owasin mduha, on ḣe kin yutokan iyewaye kta owakihi eśta, wacanwakiye śni ehantanhan mataku śni.