Lukas 17:25 - Dakota Wowapi Wakan Kin

²⁵ Tuka ito tokaheya taku ota on iyotanhan iyekiye kta, qa wicoicage kin de on ḣeyata iyeyapi kta ce.

Lukas 17:25 Iomraidhean Croise

Mattheos 16:21

Hetanhan Jesus waonspewicakiye cin wowicakiyaka, Jerusalem ekta ye kta iyececa, qa wicaḣincapi, wośnapi kagapi, wowapi kagapi ko on taku ota kakije kta, qa ktepi kta, qa anpetu iciyamni hehan ake kini kta, hena owicakiyaka.

Mattheos 21:42

Hehan Jesus hewicakiya; Inyan wan tipi kagapi kin eḣpeyapi qon he oise pa kin icaga; he Itancan kin eciyatanhan hecetu, qa unkiśapi en taku wowapetokeca kin hee, eyapi kin he tohinni wowapi wakan kin en dawapi śni he.

Markos 10:33

Iho, Jerusalem ekta itanwankanhde unyanpi; qa Wicaśta Cinhintku kin wośnapi kagapi, wowapi kagapi ko napepi kin en wicaqupi kta; unkan hena ṭe yacopi kta, qa Ikcewicaśta kin iyoopta wicaqupi kta:

Markos 12:10

Wowapi kin de dawapi śni he; Ticagapi inyan wan eḣpeyapi qon he oise en pa icaga ce.

Markos 8:31

Hehan wowicakiyaka, Wicaśta Cinhintku kin taku ota kakije kta; wicaḣincapi qa wośnapi kagapi, wowapi kagapi ko ḣeyata iyeyapi kta, qa ktepi kta; qa anpetu yamni iyohakam kini kta.

Markos 9:31

He icunhan waonspewicakiye cin wowicakiyaka qa; Wicaśta Cinhintku kin wicaśta napepi kin en wicaqupi, unkan ktepi kta; qa ktepi iyohakam anpetu iciyamni hehan kini kta ce, ewicakiya.

Lukas 18:31

Unkan akenonpapi kin ewicayaku qa hewicakiya; Iho, Jerusalem ekta unyanpi, qa wicaśta wokcan Wicaśta Cinhintku kin on token owapi qon owasin yuecetupi kta.

Lukas 18:33

Qa kapsinpsintapi qa ṭeyapi kte; unkan anpetu iyamni kinhan kini kta ce, eya.

Lukas 24:46

Unkan hewicakiya; Hecen owapi, qa Messiya hecen kakije c̣a, anpetu iyamni kinhan ake kini kte ciqon, he hecetu:

Lukas 9:22

Qa heya; Wicaśta Cinhintku kin taku otakiya on ito iyotanhan iyekiye kta, qa wicaśta tokapapi, qa wawayuśnapi itancanpi, qa wowapi kagapi kin hena ḣeyata iyeyapi, qa ṭeyapi kta ce: unkan anpetu iyamni kinhan kini kta ce, eya.

Johannes 1:11

Tona tawa kin hena ekta wicahi, tuka tawawicaye cin hena iyowinkiyapi śni.

Johannes 12:38

Hecen Isaya wicaśta wokcan taku eye ciqon wanna iyecetu; Itancan, tuwe wounyakapi kin wicada he; qa tuwe en Jehowa ḣupahu kin yutaninpi he.