Lukas 16:9 - Dakota Wowapi Wakan Kin

⁹ Unkan miś heciciyapi; Woyuha owotanna śni kin on tawaśitku icicaga po; hecen tohan niye onic̣ihipi śni kinhan, iye tipi owihśnke kte śni en tin hiyuniciyapi kta ce.

Lukas 16:9 Iomraidhean Croise

Mattheos 19:21

Jesus heciya; Owotanna yaun kta yacin kinhan, hde c̣a taku nitawa wiyopeye c̣a waḣpanicapi kin wicaqu wo; kinhan maḣpiya ekta woyuha duhe kta; hehan ku qa mihakam un wo.

Mattheos 6:19

Woyuha maka akan ekihnakapi śni po; hen wamduśkadan qa gigi kin wayutakuniśni ece, qa wamanon sa wayujujupi qa wamanonpi ece.

Mattheos 6:24

Tuwedan wicaśta itancan nom anawicagoptan kta okihi śni; wanji śice kidake kta, qa unma kin iś wadte kidake kta: wanji en iyaihdaśke kta, qa unma kin iś en etonwe kte śni: Wakantanka qa mammon napin anagoptan oyakihipi kte śni.

Lukas 11:41

Tuka taku duhapi kin etanhanhan wicaqu po; kinhan taku owasin niciskapi kta ece.

Lukas 12:33

Taku yatonpi kin wiyopekiya po, qa wicaqu po. Wojuha kukaka aye kte śni, maḣpiya ekta woyuha owihanke kte śni hena ic̣icaga po; heciya wamanon sa kiyedan u śni, qa wamduśkadan wayapote śni ece.

Lukas 14:14

Kinhan niyawaśtepi kta ce; hena nicicajujupi kta okitpanipi nakaeś, owotanpidan kinipi kte cin ekta nicicajujupi kta ce, eya.

Lukas 16:11

Hecen woyuha owotanna śni kin he on wicayakapi śni ehantanhan, wicake cin he tuwe ecin yuheniciyapi kta he.

Lukas 16:13

Ookiye kin tuwedan yuhe cin nonpa en wowidagic̣iye kta okihi śni; wanji śicedake kta, qa unma iś waśtedake kta; qa iś wanji en iyaihdaśke kta, qa unma kin iś ekta ewacin kte śni. Wakantanka qa mammon napin en wowidagnic̣iyapi kta oyakihipi śni ce.

Lukas 16:4

Taku ecamon kte cin he sdonwakiya, heon tohan waawanmdake cin he etanhan ḣeyata iyemayanpi kinhan, tipi kin en tin hiyumayanpi kta ce.

Olianyanpi kin 10:31

Qa, Kornelios wocekiye nitawa kin he naḣonpi, qa taku wacantkiya ecanon kin he Wakantanka itokam kiksuyapi ce.

Olianyanpi kin 10:4

Unkan he opaḣta yanke c̣a inihan qa; Itancan taku he, eya. Unkan iś ito heciya; Wocekiye nitawa qa wacantkiya oyaḣande cin he Wakantanka itokam kiksuyapi.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

Judas 1:21

Wakantanka waśtedakapi kin en ihduha po; qa Jesus Messiya Itancan unyanpi towaonśida wiconi owihanke wanica iyahde kte cin he ape yukan po.