Lukas 16:3 - Dakota Wowapi Wakan Kin

³ Unkan waawanyake cin cante mahen heya; Token ecamon kta he; waawanmdake cin he mayuhe cin imicicu; maḣqapi kin owakitpani, qa timatayapi kin he imaśteca.

Lukas 16:3 Iomraidhean Croise

Mattheos 20:8

Wanna ḣtayetu hehan, hastanhanka iyuwi ojupi yuhe cin iye taokiye itancan kin heciya; Wicaśta ḣtanipi kin wicakico qa wokajuju wicaqu, wo, ehake hipi kin hena tokaheya, ecen tokaheya hipi qon wicayeciyuśtan kta ce.

Markos 10:46

Unkan Jeriko en hipi; qa Jeriko etanhan oyate ota qa waonspewicakiye cin om hdinanpa, hehan Bartimeus, Timeus cinhintku, iśtagonge ciqon he canku icahda wada iyotanka.

Lukas 12:17

Unkan cante mahen he awacin qa heya; Token ecamon kta he; waskuyeca mitawa kin tukten wehnake kte cin mduhe śni ce

Lukas 16:2

Hehan kico qa heciya; Taku eniciyapi kin de toketu he; waawandake cin ito ohdaka wo; wanna waawandake cin aduśtan kta ce.

Lukas 16:20

Nakun wicaśta waḣpanica wan Lazaros eciyapi, he tatiyopa kin en ahionpapi, tancan owancaya ḣdihdi;

Lukas 16:22

Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.

Lukas 16:4

Taku ecamon kte cin he sdonwakiya, heon tohan waawanmdake cin he etanhan ḣeyata iyemayanpi kinhan, tipi kin en tin hiyumayanpi kta ce.

Lukas 18:4

Unkan tokaheya econ wacin śni; tuka ocim cante mahen heya; Wakantanka kowakipe śni, qa nakun wicaśta kin wicawakinihan śni qeyaś;

Johannes 9:8

Heon itan anog tipi, qa tona wicaśta iśtagonge cin wanyakapi ece qon hena, Tuwe timata iyotang un qon he dee se, eyapi.

Olianyanpi kin 3:2

Unkan wicaśta wan tonpi kin ehantanhan huśte un kin he yuha ahipi, anpetu otoiyohi tipi wakan tiyopa wan, Waśte eciyapi kin he en ehdepi, tona tipi wakan tin yapi kte cin hena taku wicakida kte cin heon.

Olianyanpi kin 9:6

He cancan qa yuśinyaye ca; Itancan taku ecamon yacin he, eya. Unkan Itancan kin; Najin qa otonwe kin ekta ya wo, token ecanon kte cin oniciyakapi kta ce, eciya.

II. Thessalonike 3:11

Enitanhanpi wanjikji ecinśniyan mani pi, qa ecaca ḣtanipiśni, tuka waaie sa hecapi kin he naunḣonpi.