Lukas 16:23 - Dakota Wowapi Wakan Kin

²³ Unkan wakanśica tipi kin en kakiś yanke c̣ehan, wankan etonwe, c̣a tehan tanhan Abraham wanyaka; qa maku kin ohna Lazaros yanka.

Lukas 16:23 Iomraidhean Croise

Mattheos 11:23

Qa kapernaum niye, maḣpiya ekta wankan aniyanpi, tuka wicaḣapi ekta eḣpeniyanpi kta; wicoḣan tanka niye en econpi kin hena Sodom en econpi unkanś, anpetu kin dehanyan ecen un kta tuka.

Mattheos 18:9

Qa niiśta waḣtaniniye cinhan, hduśdoke c̣a eḣpeya wo; iśta wanjidan hduha wiconi en yai kte cin he waśte, qa iśta napin hduha peta owihanke wanica en iyoḣpeniyanpi kte cin he śica.

Mattheos 23:33

Wamduśka henicapi, sinteḣda wicoicage, token wakanśica ti iwicayacopi kin nayecipapi kta he.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Mattheos 5:29

Niiśta etapa eciyatanhan kin he waḣtaniniye cinhan hduśdoke c̣a eḣpeya wo; niiśta wanji atakuniśni kinhan he waśte kta, qa tancan ocowasin Wakanśica ti kin en ehpeniyanpi kte śni.

Mattheos 8:29

Unkan iho, heya howayapi; Jesus Wakantanka Cinhintku, taku unkiyotahedan un he; hinaḣinke śni tuka itokam kakiśunyayapi kta on yahi he.

Lukas 16:24

Unkan heya niyan; Ate Abraham, onśimakida qa Lazaros u śi wo, napsukaza inkpa kin mini en oputkan qa ceji makasni kta; oide kin de ohna makakija ce.

Lukas 16:28

Misunka zaptan, hena wowicakiyake kta; iś eya okinni wokakije kin de en upi nun ce.

Lukas 8:28

He Jesus wanyake c̣ehan, hoyeye c̣a itokam makata eḣpeic̣iye c̣a hotankakiya heya; Jesus Wakantanka Iyotan Wankantu Cinhintku kin, token unyakon kta he. Ceciciya ce, Kakiśmaye śni wo.

I. Korinth 15:55

Wiconṭe, wicape nitawa kin tokiya un he. Wicahnakapi, woohiye nitawa kin tokiya un he.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

Wayuotanin 20:10

Unkan Wakanśica, hena wicahnaye cin he peta qa inyanzi mde kin en iyoḣpeyapi, heciya wamanica qa woitonśni wokcan kin unpi, qa anpetu hanyetu ko owihanke wanin kakijapi kta.