Lukas 16:22 - Dakota Wowapi Wakan Kin

²² Unkan waḣpanica kin he ṭa; qa maḣpiya ohnihde kin Abraham maku kin ekta ayapi. Wicaśta wijica qon iś eya ṭa, qa ḣapi.

Lukas 16:22 Iomraidhean Croise

Mattheos 18:10

Ihnuhan dena cikcistinpidan wanjidan eśta śiceyadake cinhan; heciciyapi ce; Maḣpiya ekta ohnihdewicayapi tawapi kin hena Ate maḣpiya ekta un kin ite ohinniyan wanyakapi ece.

Mattheos 24:31

Unkanmazayahotonpi tanka hotanin kin on ohnihdewicaye cin yewicaśi kta, qa hena tate uya topa eciyatanhan, tona wicakaḣnige ciqon hena wicapahi kta, maḣpiya ihanke kin etanhan unma ihanke kin ekta hehanyan.

Mattheos 8:11

Nakun heciciyapi; Wiyohiyanpa tanhan qa wiyoḣpeya tanhan wicota upi kta, qa Abraham qa Isaak qa Jakob om iyotankapi kta, maḣpiya wokiconze kin en:

Markos 8:36

Qa wicaśta wan maka kin de ocowasin ohiya eśta, qa iye nagi kin toki eḣpekiye cinhan, taku on iwaśte kta he.

Lukas 12:20

Tuka Wakantanka heciya; Winitkotkoke cin, hanyetu kin de ninagi kin inicicupi kta; hecen wayehnake cin hena hehan tuwe tawa kta he.

Lukas 16:21

Qa wicaśta wijica wahna wotapi tawa kin etanhan osnaśna hinḣpaye cin hena yunkiyapi kta cin. Tuka śunka kin en ahi, qa oḣdiḣdi kin śdipapi.

Johannes 1:18

Tuwedan tohinni Wakantanka wanyake śni; tuka Cinhintku iśnana icaga Atkuku maku ohna un kin he sdonye unkiyapi.

Johannes 13:23

Unkan Jesus waonspewicakiye cin wanji nina waśte kidake ciqon, he eca maku kin en makan iwanka.

Johannes 21:20

Hehan Inyan hakikta, qa waonspekiyapi wan Jesus iyotan kidake ciqon hee wicihektam u e wanyaka, ḣtayetu wotapi icunhan maku kin ipahin wanke c̣a, Itancan, tuwe e wiyopeniye kta he, eye ciqon hee.

Hebrew 1:14

Hena owasin taku wakan wawokiya, tona wiconi aiḣpewicayapi, qa tawapi kte cin hena owicakiyapi kta e u wicaśipi qon hena eepi śni he.

Hebrew 2:14

Cinca kin hena wicaceḣpi, qa wicawe kin en opapi kin heon iś iye hena en opa; hecen tuwe wiconṭe wowaśake yuhe cin, Wakanśica hec, e ihangye kta;

Jakob 1:11

Anpetu wi kin hinanpe c̣a kata aya eca, wato kin śniśya ece, qa waḣca iḣpaye c̣a owanyake waśte kin he atakuni śni ece: he iyecen wicaśta wijica kin iye toḣan kin en awihnuni kta.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce

Wayuotanin 14:13

Hehan maḣpiya kin eciyatanhan wicaho wan nawaḣon, hecen emakiya, Wowapi ecen kaga wo; Detanhan wicaṭe cin tona Itancan kin en ṭapi kin hena wicayawaśtepi ece. Han, Woniya kin eya, Wicoḣtani kin ayuśtanpi kta, qa wicoḣan kin wiciyahna iyaya ece.