Lukas 16:17 - Dakota Wowapi Wakan Kin

¹⁷ Maḣpiya maka ko tokan iyaye kte cin he aoptetu, qa woope oowa wanjidan kaeś yuecetupi kte śni kin hee teḣika ce.

Lukas 16:17 Iomraidhean Croise

Mattheos 5:18

Awicakehan heciciyapi; Maḣpiya qa maka kin atakuniśni eśta, oowa wanjidan qa oehnake wanjidan woope kin etanhan icupi kte śni, owasin ecetu kta.

Lukas 21:33

Maḣpiya kin maka ahna tokan iyaye kta, tuka mioie kin e tokan iyaye kte śni ce.

Roma 3:31

Hecen wacinyanpi kin on woope kin ecetu śni unyanpi he. Hiya, hecetu śni, tuka woope kin unyusutapi.

I. Inyan 1:25

Tuka Itancan oie kin he owihanke wanin un kta. Unkan wotanin waśte oniciyakapi kin wicoie kin he hee.

II. Inyan 3:10

Tuka Itancan taanpetu kin wamanon sa wan hanyen hi ece kin he iyecen u kta, hehan maḣpiya kin ḣmunḣmunyan hinhda on tokan iyaye kta, qa taku kin peta ḣinca on skan kta; qa maka kin wicoḣan ohna un kin hena ḣuḣnage kta.

Wayuotanin 20:11

Hehan oiyotanke ska tanka wan wanmdaka, qa tuwe akan iyotanke cin he ite kin etanhan maka maḣpiya ko najicapi; qa tukten wanke kte cin iyeyapi śni.

Wayuotanin 21:1

Hehan maḣpiya teca qa maka teca wan wanmdaka. Maḣpiya tokaheya qa maka tokaheya kin hena yutokan iyeyapi, qa miniwanca wanica.

Wayuotanin 21:4

Qa wiciśta kin etanhan Wakantanka iśtamnihanpe owasin wicakipakinte kta, qa hetanhan wiconṭe wanice kta, wicocante śica, wicaceya, wicokakije ko wanice kta, taku tokaheya un kin wanna henakeca.