Lukas 16:15 - Dakota Wowapi Wakan Kin

¹⁵ Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Lukas 16:15 Iomraidhean Croise

Mattheos 23:5

Qa wicoḣan econpi kin owasin wicaśta wanwicayakapi kta e heon econpi ece. Wateśdake tanka ic̣icagapi, qa śina opapun hdutankapi ece.

Mattheos 6:16

Tohan wote śni yaunpi kinhan wanaic̣iḣmanpi kin iyecen ite śinkiyapi śni po; hena eqe ite hduśicapi ece, hecen wicaśta ekta wote śni unpi e ihdutaninpi kta; awicakehan heciciyapi, Hena wokajuju hduhapi ece.

Mattheos 6:2

Heon etanhan tohan taku wicayaqu kta hecinhan nitokam cotanka yajowicayakiye kte śni, wanaic̣iḣmanpi kin omniciye tipi qa canku ohna econpi ece kin iyececa, wicaśta on wicayatanpi kte cin heon; awicakehan heciciyapi; Hena wokajuju hduhapi ece.

Mattheos 6:5

Qa tohan ceyakiya eca wanaic̣iḣmanpi kin iyenicece kte śni; hena eqe omniciye tipi qa canku oise kin en najin cekiyapi waśtedakapi ece, wicaśta wanwicayakapi kta e heon; awicakehan heciciyapi; Hena wokajuju hduhapi ece.

Lukas 10:29

Tuka iye ihdaowotanna wacin, qa Jesus heciya; Unkan mikiyedan un kin he tuwe he.

Lukas 11:39

Unkan Itancan kin heciya; Niye Pharisee kin, miniyatkan wakśica ko akapatanhan duskapi ece; tuka mahen tanhan wawicakipi wicoḣan śica ko onijupidan ece.

Lukas 18:11

Unkan Pharisee kin iśnana najin, qa kaken wocekiye eya; Wakantanka, wicaśta tokeca iyemacece śni, wawicakipi sa, oḣan owotanpidan śni, wawiciḣaḣapi econpi sa, qa wamnaye cin dee kaeś iyemacece śni heon wopida eciciya.

Lukas 18:14

Wicaśta kin de yuowotanpidan tiyata kihda, qa unma qon hee śni, eciciyapi ce: Qa tuwe ihduwankantuya kinhan, he yuhukun iyeyapi kta: qa tuwe ihduhukuye cinhan, hee yuwankan ayapi kta ce.

Lukas 18:21

Unkan heya; Macistina ehantanhan hena owasin ahowapa ce.

Lukas 18:9

Unkan apa iye oḣan owotanna ic̣idapi, qa tokan kin waḣtewicadapi śni kin, hena wiyacinpi kin de owicakiyaka.

Lukas 20:20

Unkan awanyag kuwapi, qa wanjikji iye owotanna konzapi kin hena iwanyakapi kta e ekta ye wicaśipi; hecen oie kin iyaḣpayapi, qa wicaśta itancan towaśake qa tawacin kin en qupi kta.

Lukas 20:47

Qa wiwazica tipi tawapi kin temyapi; qa ihdutaninpi kta on wocekiye hanska eyapi ece; hena iś iyotan woyaco tanka iyahdeic̣iyapi kta ce.

Johannes 2:25

Qa wicaśta on tuwedan wayaotanin kta cin śni; iye atayedan wicaśta taku en un kin sdonya, heon etanhan.

Johannes 21:17

Ake iciyamni, Simon Jona cinhintku waśte mayadaka he, eciya. Yamni akihde, Waśte mayadaka he, eya iwange cin heon Inyan iyokiśica; unkan heciya, Itancan, taku owasin sdonyaya; waśtecidake cin he sdonyaya. Hehan Jesus, Taḣinca mitawa kin wo wicaqu wo, eciya.

Olianyanpi kin 1:18

Unkan wicaśta kin he woaḣtani iyunwin kin maga wan iyopekiye c̣a, ehna makata iḣpaya, unkan tancan kin kamdas iḣpaye c̣a, śupe kin owasin tankan hiyu.

Olianyanpi kin 1:24

Hehan cekiyapi qa heyapi; Itancan niye wioacante owasin sdonya nanka, wicaśta kin dena unma tukte yakaḣnige cin he yutanin wo;

Olianyanpi kin 15:8

Qa Wakantanka wicacante kin sdonye cin he wicayaotanin, qa Woniya Wakan unkiye unqupi qon, he iyecen wicaqu.

Roma 3:20

Heon etanhan iye itokam, woope wicoḣan kin on, wicaceḣpi takudan yaowotanpi kte śni; woope kin eciyatanhan woaḣtani sdonkiyapi ece.

Roma 8:27

Qa tuwe wicacante iyukcan kin he Woniya kin token wacin yuze cin sdonya, he Wakantanka tawacin kin eciyatanhan tona owotanna un kin hena on wocekiye eya ece.

I. Korinth 4:5

Hecen iyehantu śni kin itokam takudan yacopi śni po, Itancan kin he hi śni kin hehanyan; he iye kin taku otpaza en naḣmanpi qon aiyoyam ye kta, qa wicocante awacinpi kin yuatanin kta; unkan hehan otoiyohi Wakantanka eciyatanhan idowanpi kta.

I. Inyan 3:4

Tuka wicaśta mahentanhan cante kin ekta, taku ḣwinpica śni kin, tawacin waḣbadan qa inina un, he Wakantanka itokam taku teḣike cin ee.

I. Inyan 5:5

Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.

Wayuotanin 2:23

Qa iye cinca kin wiconṭe on wicawakte kta; qa okodakiciye kin owasin, tuwe wicapakśin wicacante ko iyukcan kin he miye e sdonyapi kta. Qa niyepi kin otoiyohi nioḣanpi kin eciyatanhan cic̣upi kta.