Lukas 16:13 - Dakota Wowapi Wakan Kin

¹³ Ookiye kin tuwedan yuhe cin nonpa en wowidagic̣iye kta okihi śni; wanji śicedake kta, qa unma iś waśtedake kta; qa iś wanji en iyaihdaśke kta, qa unma kin iś ekta ewacin kte śni. Wakantanka qa mammon napin en wowidagnic̣iyapi kta oyakihipi śni ce.

Lukas 16:13 Iomraidhean Croise

Mattheos 4:10

Hehan Jesus heciya; Satan miḣeyata ya wo; Itancan Wakantanka nitawa kin he ohoyada kta, qa iśnana wowidagniye kta ce, eya owapi tuka qon.

Mattheos 6:24

Tuwedan wicaśta itancan nom anawicagoptan kta okihi śni; wanji śice kidake kta, qa unma kin iś wadte kidake kta: wanji en iyaihdaśke kta, qa unma kin iś en etonwe kte śni: Wakantanka qa mammon napin anagoptan oyakihipi kte śni.

Lukas 11:23

Tuwe micica śni kin he makipajin; qa tuwe miciwapahi śni kin he wayumdeca ece.

Lukas 14:26

Tuwe ekta mahi, qa atkuku, hunku, tawicu, cinca, sunkaku, tawinoḣtin kin, hena, qa iye ni kin heeś koya śicekida śni ehantanhan, waonspewicawakiye cin wanji ee kta okitpani ce.

Lukas 16:12

Qa wicaśta tokeca taku tawa kin on wicayakapi śni ehantanhan, niye nitawapi kin hee tuwe ecin nic̣upi kta he.

Lukas 16:9

Unkan miś heciciyapi; Woyuha owotanna śni kin on tawaśitku icicaga po; hecen tohan niye onic̣ihipi śni kinhan, iye tipi owihśnke kte śni en tin hiyuniciyapi kta ce.

Lukas 9:50

Unkan Jesus heciya; Teḣindapi sni po: tuwe unkipajinpi śni kin he unkicicapi ece.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.