Lukas 15:5 - Dakota Wowapi Wakan Kin

⁵ Qa tohan iyeye cinhan, wiyuśkinyan hiyete akan akionpa ece.

Lukas 15:5 Iomraidhean Croise

Lukas 15:32

Nisunka kin de ṭa, unkan kini; tanin śni, unkan iyeyapi kin, on etanhan ito cante unwaśtepi, qa unkiyuśkinpi kte cin he hecetu ce.

Lukas 15:4

Niyepi kin etanhan wicaśta wanji taḣinca wanunyanpi opawinge wicayuhe c̣a, wanjidan kitanin śni kinhan, wikcemna napkin wanka sanpa napcinwanka kin hena makotahedan en awicayuśtan, qa tanin śni qon he tohanyan iyeye śni hehanyan okide śni naceca he.

Lukas 15:6

Qa wanna tiyata ki ec̣a, kodawicaye c̣a, ikiyedan tipi kin hena witaya wicakico, qa hewicakiya; Miciiyuśkin po, taḣinca wanunyanpi wan makitanin śni qon he wanna iyewakiya ce.

Lukas 19:9

Unkan Jesus heciya; Anpetu kin de wanikiyapi tipi kin de hiyohi; Abraham cincaye cin wanji hee nakaeś.

Lukas 23:43

Unkan Jesus heciya; Anpetu kin de en wowaśte makoce kin en mici yaun kta ce, awicakehan eciciya.

Johannes 15:11

Taku eciciyapi kin dena on mitowiyuśkin kin nicipi un ktae, qa nitowiyuśkinpi kin he ecetu niciciyapi kta.

Ephesos 2:10

Iye taku kage cin he unkiyepi, Jesus Messiya en wicoḣan waśte aicaḣ unyanpi, hena ohna maunnipi kte cin heon otokaheya tanhan Wakantanka wiyeya ehnaka.

Ephesos 3:7

He on ookiye makagapi, Wakantanka towaonśida maqupi kin he eciyatanhan, iye towaśake oḣanye cin on.

I. Thessalonike 1:5

Wotanin waśte unkitawapi en niipi kin he wicoie ecedan en un śni, tuka wowaśake nakun en, qa Woniya Wakan, qa tanyan sdonyapi kin en; niyepi ehna, qa niyepi on etanhan wicaśta tounkecapi kin sdonyayapi.

II. Timotheos 2:26

Qa hecen, tona Wakanśica tohan cin eca, wayaka awicahda ece kin hena mazaḣtakiyapi tawa kin etanhan ihduśpapi kta.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

I. Inyan 1:5

Wacinyanpi eciyatanhan Wakantanka towaśake kin on wiconi anikpatanpi, eqe anpetu ehake kin en yuotaninpi kta.