Lukas 15:4 - Dakota Wowapi Wakan Kin

⁴ Niyepi kin etanhan wicaśta wanji taḣinca wanunyanpi opawinge wicayuhe c̣a, wanjidan kitanin śni kinhan, wikcemna napkin wanka sanpa napcinwanka kin hena makotahedan en awicayuśtan, qa tanin śni qon he tohanyan iyeye śni hehanyan okide śni naceca he.

Lukas 15:4 Iomraidhean Croise

Mattheos 12:11

Unkan hewicakiya; Enitanhanpi wicaśta wanji taḣinca wanunyanpi wanjidan yuhe cinhan, he anpetu wakan icunhan woḣa en iyoḣpaya hecinhan, tancan en yuze c̣a ehdaku kte śni he.

Lukas 13:15

Unkan Itancan kin waayupte c̣a heciya; Wanaic̣iḣbe cin, niyepi otoiyohi, anpetu wakan, tatanka qa iś śonśonna nitawapi kin yakiduśkapi qa miniyatkekiya adapi śni he.

Lukas 15:3

Hehan wiyacinpi kin de owicakiyake c̣a heya;

Lukas 19:10

Wicaśta Cinhintku kin taku atakuni śni qon he akite c̣a niye kta e heon hi ce, eya.

Roma 2:1

Heon etanhan wicaśta kin nituwe kaśta, wadaco kinhan iyaonpepica śni yaun kte śni. Taku on wicaśta tokeca daco kinhan he en niye nihdaco, wadaco tuka niś eya he kici taku okonwanjidan ecanon ece.

I. Inyan 2:25

Taḣin wanunyanpi nunipi kin iyenicecapi; tuka wanna tuwe wonniyanpi qa nagi awanniyakapi kin he ekta yahdipi.