Lukas 15:22 - Dakota Wowapi Wakan Kin

²² Tuka atkuku taokiye kin hewicakiya; Śina iyotan waśte kin he aupi qa inkiya po; qa mazanapeupe wan nape kin en iyekiya po, qa hanpa ohekiya po:

Lukas 15:22 Iomraidhean Croise

Lukas 15:21

Unkan cinhintku kin heciya; Ate, maḣpiya kin en qa niye nitokam wawaḣtani; qa detanhan cincamayaye kta iyemacece śni ce.

Lukas 15:23

Qa ptejicadan cemyapi kin he den aupi qa kte po; wauntapi qa unkiyuśkinpi kta ce:

Roma 13:14

Tuka niye Jesus Messiya Itancan kin he koyaka po, qa wicaceḣpi wocantiheye śice cin ecetu yapi kta e on takudan kicamnanpi śni po.

Roma 3:22

Wakantanka toowotanna kin, Jesus Messiya wacinyanpi kin eciyatanhan u kin hee, tona wicadapi kin owasin en, qa owasin akan un, qa owasin akiyececapi.

Roma 8:15

Ake wokokipe kta e on ookiyeyapi woniya kin iyacupi śni, tuka cinhintkuyapi woniya kin he iyacupi, on Abba, Ate, eya hoyeunkiyapi ece.

Galatia 3:27

Tona Messiya caje on baptem nic̣upi kin hena Messiya kodakapi.

Ephesos 6:15

Qa nisihapi kin en wookiye wotanin waśte ohduśtan kin okihan po.

Wayuotanin 19:8

Unkan he miniḣuha ska wiyatpa kin heca koyake kta e qupi; miniḣuha ska kin he tona waśte woowotanna yuhapi kin hee.

Wayuotanin 2:17

Tuwe noge yukan hecinhan, taku Woniya kin okodakiciye kin ewicakiye cin he naḣon kta. Tuwe ohiye cinhan he manna kihnakapi qon he etanhan yunwakiye c̣a inyan ska wan waqu kta, inyan kin he en wicacaje teca wan kagapi kin he tuwedan sdonye śni, tuka tuwe icu kte cin hecedan.

Wayuotanin 3:18

Kaken wahokonciciya ce, mazaskazi peta on yuecedan kagapi kin he opemicaton wo, winijica kta ce; qa wokoyake ska, kodake kta e heon, hecen tanconikadan on winiśtece cin he tanin kte śni; qa wiciśta wihdi kin, niiśta iyakiun kta, hecen wawandake kta.

Wayuotanin 6:11

Unkan hena otoiyohi wokoyake ska wicaqupi, qa ptecedan ape yukanpi kta, tona om taokiye unpi qon, qa iye hunkawanjitkupi kin, iś iyepi iyecen wicaktepi kte cin he yuśtanpi kta hehanyan, kewicakiyapi.

Wayuotanin 7:9

Hena taku kin iyohakam wanmdake c̣a, iho, wicota ḣinca, wicayawa kta tuwedan okihi śni, oyate hiyeye cin, qa wicoun kin, wicowazi kin, iapi ko owasin otoiyohi etanhanpi, oiyotanke kin itokam, qa Amnos kin itokam najinpi, wokoyake ska ece koyakapi, qa can wapa nape ohna yuhapi;